Arwan

Xwarina di rê de ya rêvîngan. Ardê komkirî di mal de. Hêştirê sê salî.

Zoro

Zoranbazî. Kurtkiriya navê Zohrab (Zoraw)e.

Xulya

Arezû. Hezkirin li tiştekî. Xeyal.

Rewêje

Ew tîxeya ku kevçiyan pê çêdikin.

Spehî

Bedew. Xweşik.

Rêşeng

Navekî çêkirî ye ku wateya cihê pir ji bax dide.

Demawen

Demawend. Zozanê ku di nav mij û dûmanê de winda bûbe. Çiyayê ku mij û dûmanê dagirtibe. Demawen navê gundekî bû li Başûrê Kurdistanê ku rejîma Beisê ew gund wêran kir. Navê çiyayê herî bilind ê Îranê ye ku dikeve navbera Mazendiran û Tehranê de. Navê serdarekî Sasaniyan bûye. Navê bajarekî kevn bûye li Mazenderanê ku dibêjin Ejdehak paşayê Mad di nav çiyayekî wî bajarî de bi biryara Fereydûn girtî bûye.

Hetar

Kevirê mezin û xir.

Wenen

Bi zaravayê hewramî wate ew pira ku bi dar û mêwên tiriyê hatibe çêkirin û dema kesek di ser de derbas dibe ew pir biheje.

Cihgir

Cîgir. Cêgir. Kesê di dema nebûna heval an hevkar an berpirsê xwe de cihê wî kesî digre.