Feroşe

Giyayek e bo derman.

Kewxal

Bedew wek xala kewê. Amaje ye bi dilbera bedew û şox û şeng.

Mandak

Navê yek ji paşayên Mad bûye ku Yonanî dibêjinê Mandaks.

Pirpire

Pûlekên masiyan. Giyayeke şîn ê gelek nazik û ciwan e ku di nav bax û bêstanan de şîn dibe û rengê qola nokan dide, lê pelgên wê cuda ne û bo zikêşanê baş e.

Demawen

Demawend. Zozanê ku di nav mij û dûmanê de winda bûbe. Çiyayê ku mij û dûmanê dagirtibe. Demawen navê gundekî bû li Başûrê Kurdistanê ku rejîma Beisê ew gund wêran kir. Navê çiyayê herî bilind ê Îranê ye ku dikeve navbera Mazendiran û Tehranê de. Navê serdarekî Sasaniyan bûye. Navê bajarekî kevn bûye li Mazenderanê ku dibêjin Ejdehak paşayê Mad di nav çiyayekî wî bajarî de bi biryara Fereydûn girtî bûye.

Hesar

Hewşe.

Adad

Navê fermandarekî Loloyiyan û xelkê Babailê bûye.

Şewbêr

Şewbiwêr. Şevnişîn. Şevbêrk.

Sako

Çiyayê rûten. Çiyayê bê gijûgiya. Ziyaretgeh.

Helîlan

Hozeke Kurd in ji tîreyên Piştko li herêma Loristanê.