Şevîn

Şewên. Reş wek şevê. Şewezeng. Çêrîna pez û ajelan di dema şevê de.

Kosar

Cihê ku gelek çiya li wir hebin. Navbera çiyayan de.

Ciwanmêrd

Ciwanmêr. Camêr. Xweşmêr. Mirovê çak. Mirovê qenc.

Berkaw

Quntara çiya. Berbiniya çiya.

Raşikan

Derbasbûn. Biserçûn.

Awar

Cuda. Çayçiyê malê. Darûperdikên xaniyê herifî. Helwaya ar û doşava hişkbûyî bo zivistanê.

Êzdanşêr

Yezdanşêr. Yezdanşîr. Êzdînşêr. Izedînşêrê Botî. Mîr Izedîn mîrê Botan û reqîbê Mîr Bedirxan bû. Li gorî hin jêderan ew pismamê Mîr Bedirxan bû. Piştî vê ku dewleta Usmanî serhildana Bedirxan Beg têk şikand, Êzdînşêr li welatê Botan di 1854an de li dijî dewletê rabû. Ev bûyera dîrokî wekî Serhildana Êzdînşêr tê nasîn û ji sala 1854 heta meha kanûna duyem a 1855an do kir. Strana "Ez Xelef im" li gor vê çîrokê hatiye gotin.

Arasp

Serdarekî Mad bûye ku di zarokatiya xwe de digel Kuruş mezin bûye.

Sako

Çiyayê rûten. Çiyayê bê gijûgiya. Ziyaretgeh.

Ronako

Navê hozeke Kurd bûye li herêma Hayman a rexê Enqereyê ku bi destê Osmaniyan bo Bolxaristan û Bosniyê hatine dûrxistin.