Yesna

Yezne. Cejn. Beşek e ji beşa mezin a avestayê. Kitêba Zerdeşt a sirûdên ayînî.

Riskan

Çêbûna xwezayî.

Kirmacan

Kirmancan. Kirmancsan. Cihê akincîbûna cotyaran. Cihê miskîn û reiyetan. Di serdemê Sasaniyan de gotine cotyar û reiyetên ber destê baregehên Sasaniyan “Kirmac an kirmanc”.

Agirî

Çiyayê Agirî, çiyayê herî bilind ê Kurdistanê ye ku di nava sînorê Bakûrê Kurdistanê de ye. Bilindiya wî 5.137 mêtr e, û bi vê yekê bilindtirîn çiyayê Kurdistanê ye.

Ênê

Gundek e li bin çiyayê Kodo li Başûrê Kurdistanê.

Aştîxwaz

Kesê ku lihevkirin û sulhê dixwaze.

Erkewaz

Hozeke Kurd e li rexê Xaneqîn û Mendeliyê li Başûrê Kurdistanê.

Mirwaniş

Gundekî Başûrê Kurdistanê bû ku Beisê ew gund wêran kir, lê cardin hate avedankirin.

Mandan

Kolikên ku bi tenê li çiya û zozanan têne çêkirin. Navê keça Ejdehakê paşayê Mad û navê diya Kuruşê Hexameniş bû. Navê gundekî ye li herêma Barzan li Başûrê Kurdistanê.

Kiyareş

Yek ji fermandarên mezin ên Ferwertîş duyem paşayê Mad bûye.