Rosem

Rostemê Zal. Qehremanê çîrokên Îranî ye û li gor şahnameya Firdûsî û berhemên Seidî û helbestvanên Fars, Rostem Kurd bûye. Kak Dewletşah jî zêdetir ji 500 peyvên kurdî li nav vê destanê derxistine û selimandine ku Rostem Kurd bûye.

Bijwên

Zewiya ku zêde giya û çêre tê de hebe.

Zor

Zoro. Îbnê Xelekan ku Kurd bûye û di eslê xwe de Hewlêrî ye dibêje: Zor navê kurê Ejdehak bûye û binêşeya Şarezûrê wî daniye. Hemdullahê Mistofî jî dinivîse: Çimku deshilatdarên Şarezûrê zordar û şerker bûn, lewra navê wê kirin Şarezûr.

Meyrem

Meyremê. Ji navê Meryemê hatiye wergirtin ku navekî kevn ê aramî ye. Serbendê straneke kurdî ye.

Binyat

Bingeh. Kok. Xîm. Binêşe.

Firêze

Cihê çandiniyê ku hatibe dirûn. Perêz.

Şevîn

Şewên. Reş wek şevê. Şewezeng. Çêrîna pez û ajelan di dema şevê de.

Şewnim

Xûnav. Awing. Aweng.

Şemame

Şemamok. Fêkiyeke bêhnxweş e ku xalxal û piçûk e û rengê kalekan dide.

Rewrrewk

Tirawîlke. Serab. Cihê ku ji dûr ve wek avê dixuye, lê dema nêz dibî dibînî ku ne av e.