Sinewber

Cureyeke dara kacê ye ku hertim kesk û bilind û ciwan e.

Caban

Ev peyv di koka xwe de (gawab yan cawan) bûye, û di zimanê kurdî de wateya şivanê ga yan gagelewan dide û li xwar Başûrê Kurdistanê jiyane, lê şûnwarê wan nemaye. Navê yek ji serdarên serdema Sasanî bûye di serdema Yezgird de. Navê bajarokekê ye li herêma Kût li Başûrê Kurdistanê ku Kurdên feylî tê de jiyane, lê Kurd ji wir hatine dûrxistin.

Feryan

Bi kelhorî wate yarmetî. Hevkarî. Herewez. Zibare. Navê kaniyekê ye li herêma Siwêsnayetî.

Lankê

Landik. Bêşke. Dergûş.

Berjene

Bere meşke. Rûnê meşkê.

Cûdî

Çiyayekî Bakûrê Kurdistanê. Dibêjin gemiya hezretê Nûh li wir rawestiyabû û li Tewratê de jî behsê wê hatiye kirin. Di koka xwe de "Gotî" ye ku Ereban kiriye Cûdî.

Kewxal

Bedew wek xala kewê. Amaje ye bi dilbera bedew û şox û şeng.

Savo

Gulek e li herêma Badînan şîn dibe û gulên şîn, pembeyî û ... hwd derdike.

Berwar

Beroj. Tiştê xwar û xîç. Takêş. Ser aliyekî de xwarbûn. Li hindek herêman tê wateya “rêkewt”, lê gelek ji zimanzanan bikarhînana peyva “berwar” di cihê “rêkewt” de şaş dizanin.

Orfa

Bajarekî Bakûrê Kurdistanê ye. Navê kevn ê wî bajarî Ruha ye.