Sazaw

Ava sazgar. Kaniyek e li herêma Gawero.

Kirîskan

Girrkan. Bûrkan. Kaniya agir.

Sarme

Berê giyayekê ye ku wek derman tê bikarhînan û gelek binirx e. Dolmeyên pelgan. Cureyeke “hirmî”yê ye.

Jaman

Zenga dêrê. Navê gundekî ye li Bakûrê Kurdistanê.

Argon

Sor û geş wek rengê agir.Arga: Agirdan. Awirge.

Zîlan

Geliyê Zîlan geliyek e ku dikeve bakûrê deşta Erdîşê, û li derdora 15-20 km dûrî bajarê Erdîşê, di navbera Erdîş û Giyadînê de ye, û ser bi parêzgeha Wanê ye. Di meha tîrmeha 1930î de leşkerên Tirk ketine nav gundên Zîlanê, û komkujiyeke mezin çêbûye. Ji vê bûyerê re dibêjin Komkujiya Geliyê Zîlan. Li gorî rojnameya tirkî ya Cumhuriyet a roja 16ê tîrmeha 1930î, li Geliyê Zîlanê 15 hezar kes hatine kuştin. Navê deştekê ye li milê bakûrê herêma Erdîşê li Bakûrê Kurdistanê. Navê eşîreke mezin e li herêma Wanê li Bakûrê Kurdistanê.

Fîdakar

Fedakar. Kesê giyanfîda. Canfîda.

Diyar

Tiştên xuya. Berçav. Peyda.

Varsa

Navê zozanekî ye li herêma Dersîmê li Bakûrê Kurdistanê.

Sosin

Sûsen. Navê gulekê ye ku heya niha nêzî 100 cureyên wê li cîhanê hatine naskirin. Navê wê yê zanistî "Lilium spp" e.