Sehen

Sîber. Sî. Sermaya tund. Zêcama nanxwarinê. Siya tije ya darê. Navê cureyeke tiriyê ye ku “sehenî” jî dibêjnê.

Xoybûn

Maneya wê serbixweyî, xweserî û "serxwebûn" e. Dema partiya Xoybûnê li Sûriyê hate avakirin, hinek Kurdên soranîaxêv jî amade bûn. Loma bi vî awayî navê partiyê hate danîn, jiber ku "xo" bi devoka soranî heman “xwe” ya devoka kurmancî ye. Komeleya Xoybûnê li sala 1927an li “Bihemdune” bi alîkariya Ermenan û di mala “Vahan Papazyan” de hatiye damezirandin.

Dirêşk

Direwş (Derziyeke stûr a mezin e ku çerm pê kun dikin).

Azû

Azo. Dêw.

Mejîr

Koçer. Reben.

Rezû

Şêneya darberûyê.

Çaroke

Çareke. Kolwane. Ew qumaşê ku jin davêjin ser sermilê (serşanê) xwe.

Mazîçin

Kesê ku maziyan diçine.

Akoyan

Navê gundekî ye li herêma Balîsan û navê herêm û hozekê ye li rexê Raniyê li Başûrê Kurdistanê.

Pazar

Kevirekî gelek binirx e ku jin wek zêr û cewahir bi kar tînin.