Perîçem

Bi hewramî wate “çavên wê wek çavên Periyê”.

Beybûn

Navê gulekî çiyayî ye bi rengê spî û rengê asîmanî.

Caban

Ev peyv di koka xwe de (gawab yan cawan) bûye, û di zimanê kurdî de wateya şivanê ga yan gagelewan dide û li xwar Başûrê Kurdistanê jiyane, lê şûnwarê wan nemaye. Navê yek ji serdarên serdema Sasanî bûye di serdema Yezgird de. Navê bajarokekê ye li herêma Kût li Başûrê Kurdistanê ku Kurdên feylî tê de jiyane, lê Kurd ji wir hatine dûrxistin.

Jînda

Vejîner.

Çirpe

Dengê hêdî. Piçepiç. Dema xwe di bin pelg û çirpikan (darên hûr) de veşêrî bona ku dijmin te nebîne.

Siyabend

Navê qehramanê çîroka Xec û Siyabend e, ku dastaneke kevn a evîndariyê ye. Herduk jî xelkê Kêlesîpan a herêma Mehabadê ne ku niha jî gorra wan li wir e.

Dana

Zana. Şareza. Aqilmend. Hişmend.

Kîkan

Navê hozeke Kurd bû ku beşek ji hoza Bilbas jî digel de bû û digel hatina îslamê bo Kurdistanê û jinavbirina Sasaniyan bo herêma Romadiyê li Îraqê hatibûn şandin û piştre hatin asîmîlekirin an jî jinavbirin.

Berhem

Hasil. Behre

Obal

Sûç. Guneh.