Êzdanşêr

Yezdanşêr. Yezdanşîr. Êzdînşêr. Izedînşêrê Botî. Mîr Izedîn mîrê Botan û reqîbê Mîr Bedirxan bû. Li gorî hin jêderan ew pismamê Mîr Bedirxan bû. Piştî vê ku dewleta Usmanî serhildana Bedirxan Beg têk şikand, Êzdînşêr li welatê Botan di 1854an de li dijî dewletê rabû. Ev bûyera dîrokî wekî Serhildana Êzdînşêr tê nasîn û ji sala 1854 heta meha kanûna duyem a 1855an do kir. Strana "Ez Xelef im" li gor vê çîrokê hatiye gotin.

Kalme

Navê şemşîreke kevn e.

Mîrza

Kesê ku bizane bixwîne û binivîse. Emîrzade. Mîrzade.

Parde

Stargeh. Kemîn. Sûra kurt. Şûreya kurt. Boseya nêçîrvan.

Sînan

Navê tîreyeke Kurdan e ku çiqek in ji zazayan û li rojhilatê Xerpûtê li Bakûrê Kurdistanê dijîn.

Tebare

Dexlê ku gihîştiye lê hêşta nehatiye dirûn.

Semas

Hêdî. Hêmin. Li ser hemdê xwe.

Semaso

Govendeke derwêşî ye.

Dewen

Dema darberû an darmaziyê dibirrî, lê koka wê dimîne û dîsan şîn dibe.

Rêzan

Rêbîn. Şareza.

Tu dixwazî agehdarê dûmahîk babet û nûçeyên me bibî?
Ji kerema xwe biryar bide!