Şamar

Ejdeha. Ejdîha. Çiqek ji Kurdan in ku akinciyê Xaneqîn û Sine ne.

Arvîn

Agirê evînê, Agirê hezkirinê.

Mardîn

Navê parêzgeheke Bakûrê Kurdistanê ye ku ji deh şaristanan pêk tê û navenda wê jî bajarê Mardînê ye. (Li Başûrê Kurdistanê navê keçikan e jî.)

Aşo

Bêhnvedan. Alozî û fitne.

Zirav

Nazik.

Codî

Cûdî. Navê çiyayekî ye li Bakûrê Kurdistanê.

Tawûs

Ew teyrê rengbireng ê bedew ku li cem Kurdên êzidî pîroz e.

Kacîne

Deşta ku girên piçûk tê de hebin.

Mehabad

Peyva Mehabadê di çîroka Weys û Ramîn de navê kevn ê Nehawendê bûye ku digotnê Mahdînar. Bi kelhorî jî li cihê peyva “bajar” peyva “mah” bi kar dibirin, ku ereban peyva mah guherîne û kirine mahdîn û medîne. Di zimanê pehlewiya avestayî de jî gotine bajar “mah”. Herwiha gotine Nehawendê “Mah Besre”. Gotine Dînewer jî “Mah kûfê”. Mehabad an Mahabad navê pêxemberekî bûye ku berî Zerdeşt li xwar gola Urmiyê hatiye dinê. Peyva Mad jî li dewrana Sasaniyan bûye May û piştre bûye Mah.

Zozik

Zozanê piçûk. Navê çiyayekî ye li Başûrê Kurdistanê.