Tase

Bîra kesê kirin. Arezû. Hêvî. Meraq.

Xane

Xanê. Navê kevn ê bajarê Pîranşarê ye li Rojhilatê Kurdistanê.

Jêkan

Navê çiyayekî ye li herêma Bîngolê li Bakûrê Kurdistanê.

Ramîna

Navê dilbera Weys e di çîroka “Weys” û “Ramîn” de, ku di koka xwe de kurdî ye ku bi zaravayê kelhorî hatiye vehûnandin.

Sero

Îlham. Hizrek ku ji xeyb (nediyar) ve digihîje dil.

Zîlan

Geliyê Zîlan geliyek e ku dikeve bakûrê deşta Erdîşê, û li derdora 15-20 km dûrî bajarê Erdîşê, di navbera Erdîş û Giyadînê de ye, û ser bi parêzgeha Wanê ye. Di meha tîrmeha 1930î de leşkerên Tirk ketine nav gundên Zîlanê, û komkujiyeke mezin çêbûye. Ji vê bûyerê re dibêjin Komkujiya Geliyê Zîlan. Li gorî rojnameya tirkî ya Cumhuriyet a roja 16ê tîrmeha 1930î, li Geliyê Zîlanê 15 hezar kes hatine kuştin. Navê deştekê ye li milê bakûrê herêma Erdîşê li Bakûrê Kurdistanê. Navê eşîreke mezin e li herêma Wanê li Bakûrê Kurdistanê.

Vejîn

Vejiyan. Jiyandnewe.

Hengiv

Hingivîn.

Belar

Fêkiyê ku zêde gihîştibe. Nerm û ter. Serbendê straneke kurdî ye: (Hey belar û belar û belarewe Memkołet şekre sêwen be darewe. Gelêrî).

Çêrîn

Navê kurdî yê gundekî bûye li Bakûrê Kurdistanê ku dewleta Tirk guheriye û navê tirkî daniye cihê wê de.