Zerdeşt

Li ser wateya navê Zeredeşt lêkolînvan negihane encamekê; hinek dibêjin “tîmarê hêştiran” e, hinek jî dibêjin “xwedanê hêştirên rengzêrî” ye. Di sî saliya xwe de Zeredeşt dest bi belavkirina ola xwe dike (Yasna 28.4). Di deh salên pêşîn de pir kes guh nadnê, loman jî di Yasna 46. 2–5 de gilî û gazincên xwe dike ku çawa peyrewên wî hindik xizan û stemlêkirî ne.

Perwar

Perwerdekirî bo serbirînê .

Nazilî

Nazdar û nazenîn. Serbendê straneke kurdî ye.

Mîtradad

Mîtradad yan Mêhrdad yek ji şivanên Ejdehak bûye, ku navê jina wî Spaka bû.

Zîlan

Geliyê Zîlan geliyek e ku dikeve bakûrê deşta Erdîşê, û li derdora 15-20 km dûrî bajarê Erdîşê, di navbera Erdîş û Giyadînê de ye, û ser bi parêzgeha Wanê ye. Di meha tîrmeha 1930î de leşkerên Tirk ketine nav gundên Zîlanê, û komkujiyeke mezin çêbûye. Ji vê bûyerê re dibêjin Komkujiya Geliyê Zîlan. Li gorî rojnameya tirkî ya Cumhuriyet a roja 16ê tîrmeha 1930î, li Geliyê Zîlanê 15 hezar kes hatine kuştin. Navê deştekê ye li milê bakûrê herêma Erdîşê li Bakûrê Kurdistanê. Navê eşîreke mezin e li herêma Wanê li Bakûrê Kurdistanê.

Rosa

Yekem paşayê Urartoyiyan bû ku êrîş kire ser Manayiyan li Bokanê. Navê axekê ye ku bi kar tê bo çêkirina kiloz û kasikan. Navekî kevn ê Îranî ye û li ser berdenûsa Bêstûnê jî ew nav heye. Li ser berdenûsa li gundê Bestam ku dikeve rexê Çaypare li beşa Qereziyaedîn a bajarê Xoyê (bajarê Xwê), hatiye nivîsîn: Rosa di navbera salên 646 heya 680an a berî zayînê deshilatdarê Halidiyan bûye. Herwiha li ser berdenûsa çiyayê Zaxan li rexê Serawerdewêl û berdenûsa çiyayê Sehend jî ew nav hatiye.

Bapîr

Bavê diya mirov. Bavê bavê mirov.

Seyran

Piyase û geriyan. Geştuguzar.

Gulbehar

Gulbuhar. Gula buharê ku kesk e û zêde pelgên wê hene.

Rubat

Boseya nêçîrvan. Veşartgeha kewê.