Yeza

Xwedê. Yezdan. Herdu navên Yezda û Yezdo ji navê Yezdan hatine wergirtin.

Înişk

Gundek e di navbera Qedş û Erdena li aliyê “Bamernî”yê li Başûrê Kurdistanê.

Rezan

Pirjimara rez. Tirî. Navê taxekê ye li bajarê Sine ku bi kûçerezan navdar e.

Berzan

Bilindahî.

Mehabad

Peyva Mehabadê di çîroka Weys û Ramîn de navê kevn ê Nehawendê bûye ku digotnê Mahdînar. Bi kelhorî jî li cihê peyva “bajar” peyva “mah” bi kar dibirin, ku ereban peyva mah guherîne û kirine mahdîn û medîne. Di zimanê pehlewiya avestayî de jî gotine bajar “mah”. Herwiha gotine Nehawendê “Mah Besre”. Gotine Dînewer jî “Mah kûfê”. Mehabad an Mahabad navê pêxemberekî bûye ku berî Zerdeşt li xwar gola Urmiyê hatiye dinê. Peyva Mad jî li dewrana Sasaniyan bûye May û piştre bûye Mah.

Havil

Encam. Akam. Berhem. Hewldan. Alîkarî. Netirsan ji kar û Xwelêdan.

Sarme

Berê giyayekê ye ku wek derman tê bikarhînan û gelek binirx e. Dolmeyên pelgan. Cureyeke “hirmî”yê ye.

Jerej

Bi hewramî wate kew.

Şebab

Bilûr (Pêwendiya wê bi “Şebab” a erebî ve nîne). Bilûreke kanzayî ye.

Paçîne

Nerdîwan. Peyje. Pêlekan.