Pirdîs

Paradîs. Buhişt. Cennet. Peyveke kevn a Madî-Avestayî ye.

Simko

Serokekî Kurd e ku ji bo standina mafê Kurdan li dijî du deshilatên Qacarî û Pehlewî şer kir. (1887 Kelha Çariyê-1930 Şino).

Popeşmîn

Pêxefeke gelek nazik e ku ji hiriyê çêdibe.

Gelawêj

Navê meheke salê ye. Navê stêrkekê ye. (Di ferhenga Merdox de bi wateya gullebaranê jî hatiye).

Hesiyan

Pêhesiyan. Agehdarbûn.

Jerêje

Cihê ku zêde kew lê hebin. Navê gundekî ye li quntara çiyayê Kosalan li Hewraman a Rojhilatê Kurdistanê.

Yezdanşêr

Êzdanşêr. Yezdanşêr. Yezdanşîr. Êzdînşêr. Izedînşêrê Botî. Mîr Izedîn mîrê Botan û reqîbê Mîr Bedirxan bû. Li gorî hin jêderan ew pismamê Mîr Bedirxan bû. Piştî ku dewleta Usmanî serhildana Bedirxan Beg têk şikandibû, Êzdînşêr li welatê Botan di 1854an de li dijî Dewletê rabû. Ev bûyerên dîrokî wekî Serhildana Êzdînşêr têne nasîn û ji sala 1854 heta meha kanûna mezin a 1855an çêbûn. Strana "Ez Xelefim" li gor vê çîrokê ye.

Lîmo

Navê fêkiyeke çermzer e ku tirş e û ji malbata purtiqal û narincê ye.

Arşo

Navê serdarekî Mad bû.

Firsend

Firset. Derfet.