Qetûr

Navê kelh û herêm û gundekî Kurdnişîn e li rexê bajarê Xoyê (Xwê) li herêma Şikakan ku derbazbûyiya wê vedigere bo sala 716an berî zayînê, û di vê salê de Sargonê duyem paşayê Aşûr ji wir re derbas bûye û çûye nav xaka Urartûyê.

Binawan

Binewan. Kaban. Kesê ku birêveberê karûbarê nav malê ye.

Serkar

Kesê ku çavdêrî û sergêriya îş û karê kedkaran dike.

Dozwan

Dozvan. Xwediyê dozê. Xwediyê armancê.

Şengîn

Ciwanşirîn. Şox û şeng.

Xetîr

Xetîre. Ew darê ku serê wê agir pê ve ye, û di dema newrozê de digrin destê xwe, û piştre bi wan xetîran agirekî mezin hil dikin. Li Akrê her sal bi sedan xetîran amade dikin û bi rêz diçin serê çiya û agirê newrozê hil dikin. Di soranî de dibêjnê: “Çilosk. Çoleçira. Çilûsk”.

Pêlû

Birjang.

Mandana

Mandan. Navê jina Kembûciye paşayê Fars û diya Kuruşê paşayê Hexamenişî bûye ku keça Ejdehakê paşayê Mad bû.

Gulbang

Dengvedan.

Nekeroz

Gelek sar. Çiyayek e li rexê Bane.