Rewa

Qebûl. Meşrû`i. Heq.

Îlam

Alam. Eylam. Îlam. Bi zaravayê avestayî a madî wate cihê derketina tavê. Herêmek e li Kurdistanê ku yek ji wargehên kevn ên Kurdan bûye di dirêjahiya dîrokê de. Zaravayê wan kelhorî û lekî ye, lê di rastî de divê bêjne zaravayê wan zaravayê feylî yan pehlewiya kevn ku zimanê gatayên Zerdeşt e. Berê digotne Îlamê “Piştko”.

Helale

Navê gulekî ye. Gulale, Sorgul, Mêlaqe, Rebenok.

Koreng

Koma rengan. Hemû reng pêkve.

Zawe

Navê stêrkekê ye.

Hore

Derdor. Singekî stûr e ku dixin nav qelîşteka darê, û piştre bi bivirê dişkînin. Seyrangeh. Cihê zêde bilind. Soz û narenar. Sirûda ayînî a ehlê heq (yarsan)an girêdayî serdema Zerdeşt ku hewayekî kevn e û di merasimên ayînî de hatiye gotin. Hore gelek kevn e û bi zaravayê kelhorî û cafî tê gotin.

Lîlav

Şilope. Şilêwe. Barîna berf û baranê pêkve.

Canyar

Mirovdost.

Dînê

Îşare ye bi keç an kurê serşêt di evîndariyê de. Di straneke kurdî de hatiye (Were “dînê”. “Dînê” min).

Rozerîn

Cihê ku roj jê hiltê.