Yarsan

Ji du peyvên “Yar” û “San” pêk hatiye ku “Yar” tê wateya “Dost, heval” û “San” jî tê wateya “Perwerdigar, tav, sultan”.

Çêrîn

Navê kurdî yê gundekî bûye li Bakûrê Kurdistanê ku dewleta Tirk guheriye û navê tirkî daniye cihê wê de.

Koçber

Kesê ku neçar dibe mal û halê xwe bi cih bihêle û li cihekî din bijî. Penaber.

Arezû

Hêvî. Awat. Dilxwaz. Di zaravayê pehlewî de bo peyva “Arezû” peyva “Arzok” hatiye bikarhînan.

Etreş

Ziraw. Zirav. (Ke çawim pê kewt le tirsa etreşim perrî. Wate dema ku min ew dît zirava min qetiya.)

Şîrwan

Navê bajarekî Xorasanê ye. Di farsî de wateya parêzerê şêr dide (şîrwan. Şîrban).

Saros

Bajarek bûye li herêma navrûbaran (mezopotamiya) di serdema Madan de ku di nav xaka Kurdistanê de bûye, lê niha şûnwarê wê nemaye. Yek ji fermandarên Mad bûye di serdema Ejdehak de, ku li şerê digel Kuruşê Hexamenişî de hate kuştin.

Binyat

Bingeh. Kok. Xîm. Binêşe.

Pişkoje

Pişkok. Qopçe. Kulîlk.

Gulistan

Gulistan. Bax û bîstan.