Nobar

Tazebar. Destpêka buharê. Gundek e li nêzî gundê Terexe li Bokanê.

Xêwane

Berkut. Genimê ku berî wê ku dema dirûna wê hatibe, didirûn û dikutin bo xwarinê.

Tewen

Kevir. Ber. Kuçk.

Rosa

Yekem paşayê Urartoyiyan bû ku êrîş kire ser Manayiyan li Bokanê. Navê axekê ye ku bi kar tê bo çêkirina kiloz û kasikan. Navekî kevn ê Îranî ye û li ser berdenûsa Bêstûnê jî ew nav heye. Li ser berdenûsa li gundê Bestam ku dikeve rexê Çaypare li beşa Qereziyaedîn a bajarê Xoyê (bajarê Xwê), hatiye nivîsîn: Rosa di navbera salên 646 heya 680an a berî zayînê deshilatdarê Halidiyan bûye. Herwiha li ser berdenûsa çiyayê Zaxan li rexê Serawerdewêl û berdenûsa çiyayê Sehend jî ew nav hatiye.

Mamend

Nîştecih. Mandegar. Navê çiyayekî bilind e li pişt çiyayê Nawzeng li hemberî Nokan li Başûrê Kurdistanê.

Çakar

Rengê qehweyî. Qaweyî.

Meko

Çeper. Senger. Strageh. Kogeh. Cihê kombûna xelkê.

Polan

Meha reşemeyê. Meha sêyem a zivistanê.

Pere

Ew zewiya ku di dema kêlanê de nakeve ber gasin.

Bijwên

Zewiya ku zêde giya û çêre tê de hebe.