Manay

Herman. Jinavneçû. Di gatayên Zerdeştê de ku bi zaravayê kelhurî û hewramî û nîvezaravayên cafî û sineyî hatine nivîsîn, wateya perwerdigar û yezdan dide. Navê zozanekî ye li Hewramanê.

Biskan

Rîşalên li ser pelgên genimeşamiyan. Pirjimara peyva “bisk”.

Komas

Navê hozeke Kurd e di navbera Sine û Merîwan û Seqizê ku dibêjine wan, Komasî.

Zana

Şareza, Kesê ku gelek dizane. Dana. Aqilmend. Hişmend.

Kardox

Gizenfon di kitêba xwe de wek çiqeke Kurdan bi nav kiriye.

Mardîn

Navê parêzgeheke Bakûrê Kurdistanê ye ku ji deh şaristanan pêk tê û navenda wê jî bajarê Mardînê ye. (Li Başûrê Kurdistanê navê keçikan e jî.)

Rosa

Yekem paşayê Urartoyiyan bû ku êrîş kire ser Manayiyan li Bokanê. Navê axekê ye ku bi kar tê bo çêkirina kiloz û kasikan. Navekî kevn ê Îranî ye û li ser berdenûsa Bêstûnê jî ew nav heye. Li ser berdenûsa li gundê Bestam ku dikeve rexê Çaypare li beşa Qereziyaedîn a bajarê Xoyê (bajarê Xwê), hatiye nivîsîn: Rosa di navbera salên 646 heya 680an a berî zayînê deshilatdarê Halidiyan bûye. Herwiha li ser berdenûsa çiyayê Zaxan li rexê Serawerdewêl û berdenûsa çiyayê Sehend jî ew nav hatiye.

Ewkan

Navê kevn ê bajarê Sayînqela yan Şayîndij e. Manayî li wir jiyane.

Kîvî

Kêwî. Çiyayî.

Mîna

Şûşe. Bilor. Gerdena dirêj û bedew. Rûmet. Rû. Dêm.