Bernas

Binavûdeng. Naskirî. Di ferhena “Xal” de wek “Bê ezmûn û cahil” hatiye manakirin.

Bêxal

Sade. Befra spî. Ava pak. Navê seyrangehekê ye li nêzî Rewanduzê li Başûrê Kurdistanê.

Kojîn

Navekî nû ye û wateya koma jiyanê dide. Jiyan hemû pêkve.

Demawen

Demawend. Zozanê ku di nav mij û dûmanê de winda bûbe. Çiyayê ku mij û dûmanê dagirtibe. Demawen navê gundekî bû li Başûrê Kurdistanê ku rejîma Beisê ew gund wêran kir. Navê çiyayê herî bilind ê Îranê ye ku dikeve navbera Mazendiran û Tehranê de. Navê serdarekî Sasaniyan bûye. Navê bajarekî kevn bûye li Mazenderanê ku dibêjin Ejdehak paşayê Mad di nav çiyayekî wî bajarî de bi biryara Fereydûn girtî bûye.

Asewar

Şûnwar.

Bêla

Eywan. Barannegir.

Berşî

Bi hewramî wate “derket, hate derve”.

Bapîr

Bavê diya mirov. Bavê bavê mirov.

Kewkew

Ev nav di bingeh de “Kokeb” a erebî ye bi wateya “stêrk” ku bi kurdî kirine kewkew.

Dalanper

Navê çiyayekî ye li Rojhilatê Kurdistanê ku sala 1943an Komeleya J-K, Partiya Hîwa û Komeleya Xoybûnê li wir peymana sê sînor îmza kirin û xerîteya Kurdistanê destnîşan kirin û li ser pirsa Kurdistana mezin li hev kirin.