Tinok

Dilop. Dilopa av û baranê.

Rosa

Yekem paşayê Urartoyiyan bû ku êrîş kire ser Manayiyan li Bokanê. Navê axekê ye ku bi kar tê bo çêkirina kiloz û kasikan. Navekî kevn ê Îranî ye û li ser berdenûsa Bêstûnê jî ew nav heye. Li ser berdenûsa li gundê Bestam ku dikeve rexê Çaypare li beşa Qereziyaedîn a bajarê Xoyê (bajarê Xwê), hatiye nivîsîn: Rosa di navbera salên 646 heya 680an a berî zayînê deshilatdarê Halidiyan bûye. Herwiha li ser berdenûsa çiyayê Zaxan li rexê Serawerdewêl û berdenûsa çiyayê Sehend jî ew nav hatiye.

Qesîle

Kewçiyeke darîn.

Robîn

Rojbîn. Yê ku ronahiyê dibîne.

Gulkezî

Kezî wek gulê ciwan û bêhnxweş.

Demawen

Demawend. Zozanê ku di nav mij û dûmanê de winda bûbe. Çiyayê ku mij û dûmanê dagirtibe. Demawen navê gundekî bû li Başûrê Kurdistanê ku rejîma Beisê ew gund wêran kir. Navê çiyayê herî bilind ê Îranê ye ku dikeve navbera Mazendiran û Tehranê de. Navê serdarekî Sasaniyan bûye. Navê bajarekî kevn bûye li Mazenderanê ku dibêjin Ejdehak paşayê Mad di nav çiyayekî wî bajarî de bi biryara Fereydûn girtî bûye.

Awûng

Mêlaq.

Baran

Ava ku dilop dilop ji ewran dirêje ser erdê. Ew şeha ku di hewa de kom bûye û piştre wek avê dilop dilop ji asîman ve dirêje ser erdê.

Semaso

Govendeke derwêşî ye.

Kezîzer

Pirçzer.