Qezaz

Firoşyarê hewrîşmê.

Barîsa

Barist. Hindî (Bi qasî). (Barîsay ew male şitim heye).

Ferkar

Kesê ku destûr an fermanekê radigehîne û dixwîne.

Dilşa

Dilşad. Kesê ku dilê wî şad be. Kêfxweş.

Neyrî

Di gatayan de peyva “neyr” di nav zend û pazenda kevn de wateya agir dide. Neyrî wate: Ji cûna agirperistan. Herwiha Neyrî wate ew cûna ku rezvan in. Nehrî yan Neyr herêmek e li welatê Şemdînan. Herwiha çiqek bûne ji Kurdan, ku di kevn de du cûnên Sobar û Goto lê ketine. Mînoriskî û Turdagîn dibêjin: Herêma Neyrî yan Hobişka bi dol û geliyên herêma Botan hatiye gotin ku di dema xwe de dewleteke wan a serbixwe hebûye.

Alîn

Nêzîkbûn.

Merîwan

Navê bajarekî Rojhilatê Kurdistanê ye.

Binar

Quntar. Berbinî.

Mêlaq

Uşiyê tirî ku li banê xaniyan vedikin bona ku di demsala zivistanê de bi kar bînin.

Serhat

Serpêhatî. Rûdaw. bûyer.