Ferhad

Biheybet. Navê dildarê Şirîn û qehremanê çîroka kurdî ya Şirîn û Ferhad e ku bi Ferhadê Lor navdar e. Wî kevirê Taqwesan a Kirmaşanê hilkolî.

Yanan

Dîwexan û cihê bêhnvedana giştî.

Esmehan

Navê xûşka Ferîd Etreşî stranbêjê navdar ê Ereb lê di koka xwe de Kurd e, ku di bingeh de ji Kurdên dirozî yên Lubnanê ne û ji hoza Conbelat in. Peyva Conbelat jî ji peyva Canpola hatiye wergirtin û bûye erebî. Çimkû Canpola navê eşîreke navdar a Kurdan e li Lubnanê.

Destgir

Dezgîran. Dezgirtî. Pîrê terîqetê.

Dasin

Xwazbênî. Dasin ayînzayek e wek êzidî û ehlêheq û ... hwd. Navê hozeke Kurd e ku ser bi ola êzidî ne û piraniya wan li Bakûrê Kurdisatnê û Ermenistanê dijîn.

Gulbuhar

Gula buharê.

Çopî

Govend. Şahî. Hełperkê. Yekem kesê ku girtiye govendê serçopî, û dawî kes jî binçopî ye. Navê stranbêjeke navdar a Kurd e ku a Kerkûkê ye.

Samirend

Navê çiyayekî ye li Mehabadê. Herwiha tê wateya "Mêrkê Pehlewan".

Kobar

Mirovê rêzdar.

Casene

Gasene. Casene navê gundekî ye li nêzî gundê Qemçoxe ku herduk jî di navbera herdu çiyayên Sara û Ejdehak hilketine û nêzî gundê Kanîxan in. Li nêzî gundê Casene şikeftek heye ku bi şikefta Casene navdar e û nêzî gundê Sûrdaş e li nêzî bajarokê Dukan li herêma Silêmaniyê li Başûrê Kurdistanê.