Taraz

Navê kurdî yê gundekê bûye li Bakûrê Kurdistanê ku dewleta Tirk navê wê guheriye û kiriye tirkî.

Hawjîn

Havjîn, Du kes ku pêkve bijîn û derbas bikin. (Xafilandin û xapandin: Ew minale bihawjîne.)

Neyrî

Di gatayan de peyva “neyr” di nav zend û pazenda kevn de wateya agir dide. Neyrî wate: Ji cûna agirperistan. Herwiha Neyrî wate ew cûna ku rezvan in. Nehrî yan Neyr herêmek e li welatê Şemdînan. Herwiha çiqek bûne ji Kurdan, ku di kevn de du cûnên Sobar û Goto lê ketine. Mînoriskî û Turdagîn dibêjin: Herêma Neyrî yan Hobişka bi dol û geliyên herêma Botan hatiye gotin ku di dema xwe de dewleteke wan a serbixwe hebûye.

Askol

Xezala piçûk û xweşkok.

Cema

Cejnkeke dînî ya êzidiyan e.

Hawar

Hewar. Bang û hawar. Hawarbirina xwe bo kesekî din. Ax û dax. Navê kovarekê ye ku Celadet Alî Bedirxan di sala 1932an de weşand û 57 hejmar jê derketin. Navê kovarekê ye ku ji aliyê Hafiz Mistefa Qazî ve li sala 1971an li Bexdayê dihate weşandin, lê piştî sê hejmaran hate daxistin. Navê gundekî ye li Başûrê Kurdistanê li quntara çiyayê Şinirwê ku Kakeyî ne.

Awring

Pirîşkên agir. Peşkên agir.

Savire

Navê gundekî ye ser bi herêma Barzan li Başûrê Kurdistanê.

Bîtwên

Betwên. Herêmek e li rexê Raniye li Başûrê Kurdistanê.

Zewen

Erdê ku giya û çêreya wê zêde hebe. Lêwa serban (Sermoye). Zêde. Zaf.