Neşvan
Nişwan. Mest.
Tavîn
Tava baranê. Rêjne baran. Li hindek herêmên Bakûrê Kurdistanê dibêjne tîrêja rojê “Tavîn”.
Rêçkewan
Navê hozeke Kurd bûye li herêma Hayman a rexê Enqereyê ku bi destê Osmaniyan bo Bolxaristan û Bosniyê hatine dûrxistin.
Gilare
Giliyê tirî. Gilîneya çav.
Rabêj
Rawêj. Raman.
Rewen
Rewend. Rewende. Koçerên ku pezên xwe dibin zozanan.
Perdîs
Bihuşt. Cennet. Peyveke kevn a Madî a Avestayî ye.
Hawar
Hewar. Bang û hawar. Hawarbirina xwe bo kesekî din. Ax û dax. Navê kovarekê ye ku Celadet Alî Bedirxan di sala 1932an de weşand û 57 hejmar jê derketin. Navê kovarekê ye ku ji aliyê Hafiz Mistefa Qazî ve li sala 1971an li Bexdayê dihate weşandin, lê piştî sê hejmaran hate daxistin. Navê gundekî ye li Başûrê Kurdistanê li quntara çiyayê Şinirwê ku Kakeyî ne.
Koşeng
Pirjimara şoxûşeng.
Şede
Reştî. Kofiya ku ji Awrîşmê tê rêsan û gelek giran e.