Kejawe

Dara ku li ber tenişta dîwar dixin bin karîteya ban de. Du sinduqên darîn ên sîvandar bûn ku datînane ser pişta hesp û hêştiran û lê siwar dibûn. Zêdetir xan û pîr û îxtiyar dema ku ji Mekke û Medîneyê vedigeriyan lê siwar dibûn.

Hewşîn

Giyayek e ji malbata pûngê. Çiyayek e ji rêzeçiyayê Agirî ku digel çiyayên Helgurd û Kêleşîn û Gelaz û Lend û Dalanperê dora Qendîlê girtine.

Jîliya

Serbizêw. Nesekinî. Newestayî. Gundek e li geliyê Lêtan a ser bi herêma Rewanduzê.

Helan

Xireber. Kevirên xir.

Payîze

Demsala payîzê. Straneke kevn a kurdî ye wek heyran.

Avamiye

Navê bajarokekî Kurdnişîn bû li aliyê Îmarata kurdnişîn a Kurdistana Başûr ku Kurdên Feylî tê de dijiyan, lê li ber siyaseta hikûmeta navendî a girtin, kuştin û derbiderkirina Kurdan ew herêm kete destê Ereban de, û Kurdên ku li wir mabûn jî, di nav Ereban de heliyan.

Senyar

Kiryar.

Casene

Gasene. Casene navê gundekî ye li nêzî gundê Qemçoxe ku herduk jî di navbera herdu çiyayên Sara û Ejdehak hilketine û nêzî gundê Kanîxan in. Li nêzî gundê Casene şikeftek heye ku bi şikefta Casene navdar e û nêzî gundê Sûrdaş e li nêzî bajarokê Dukan li herêma Silêmaniyê li Başûrê Kurdistanê.

Xetan

Destewajeya hezkirina dê û bavan e bo zarokên xwe.

Perê

Kurtkiriya navê “Perî”yê.