تایبەت

هەواڵەکان

٢٥ی نۆڤامبەر، ڕۆژی جیهانیی بەرەنگاربوونەوەی توندوتیژی دژ بە ژنان

لە کۆبوونەوەی ژنانی ئەمریکای لاتین کە لە ساڵی ١٩٨١ لە کۆلۆمبیا بەڕێوە چوو، بۆ یادی ئەو سێ خوشکەی کە لە پێناو ئازادیدا خەباتیان کرد، ٢٥ی نۆڤامبر وەک ڕۆژی جیهانیی "بەرەنگاربوونەوەی توندوتیژی دژ بە ژنان" دەستنیشان کرا.

دەنگبێژی ناودار، "فەیزۆی ڕزۆ"، کۆچی دواییی کرد

دەنگبێژی ناوداری کورد، "فەیزۆ ئامارۆڤ"، ناسراو بە "فەیزۆ ڕزۆ"، ئێوارەی ٧ی ئەم مانگە لە شاری "کراسنۆدار" لە ڕووسیا، کۆچی دوایی کرد.

١٠ کەس لە ئەندامانی "پلاتفۆرمی گەنجانی سەربەخۆ" سوێندی ژیان بە کوردییان خوارد

ئەندامانی "پلاتفۆرمی گەنجانی سەربەخۆ" لە گۆڕەپانی "شێخ سەعید" لە شاری ئامەد لە باکووری کوردستان، "سوێندی ژیان بە کوردی"یان خوارد. ئەوان بە ناوی خودای کوردستان سوێندیان خوارد کە لەمەودوا لە هەموو بوارەکانی ژیاندا بە زمانی کوردی بژین و قسە بکەن.

کچە کوردێکی دیکەش بە هۆی لادانی لەچک بە دەستی هێزەکانی کۆماری ئیسلامی کوژرا

کچە کوردێک کە بە هۆی لادانی لەچک کەوتبووە بەر هێرشی هێزەکانی ئێران، پاش 28 ڕۆژ مانەوە لە نەخۆشخانە گیانی لە دەست دا

پێشکەشکردنی خەڵاتی "ساخارۆف" بە ژینا ئەمینی و بزووتنەوەی ژن، ژیان، ئازادی

پێشانگەی "قەڵای دم‌دم" لە هەولێر

پێشانگەیەکی تایبەت بە کارە هونەرییەکانی ئیرەج قادری‌ئازەر، هونەرمەندی شێوەکاری خەڵکی ڕۆژهەڵاتی کوردستان، لە هەولێر کرایەوە.

ڕاگەیاندراوی رێکخراوی کوردشۆپ بە بۆنەی هێرشی سوپای تورکیا بۆ سەر ڕۆژئاوای کوردستان

ئێمە وەک رێکخراوی کوردشۆپ، هێرشەکانی سوپای تورکیا بۆ سەر رۆژئاوای کوردستان ئیدانە دەکەین و داوا لە کۆڕ و کۆمەڵە نیودەولەتییەکان و ڕێکخراوەکانی مافی مرۆڤ دەکەین، هەوڵەکانیان بۆ کۆتاییهێنان بەم هێرشانە و پاراستنی خەڵکی مەدەنیی رۆژئاوای کوردستان بخەنە گەڕ.

چوارەمین خەڵاتی فێستیڤاڵی ئەدەبیی "مەم و زین" پێشکەشی محەممەد ڕەمەزانی، نووسەری رۆژهەڵاتی کوردستان کرا

ناوەندی ڕۆشنبیریی "مەم و زین" لە هۆڵی "میدیا"ی هەولێر، بە بەشداریی بەشێک لە نووسەران و ڕووناکبیرانی هەر چوار بەشی کوردستان، چوارەمین فێستیڤاڵی مەم و زینی بەڕێوە برد و چوارەمین خەڵاتی ئەم فێستیڤاڵەی بە نووسەر و وەرگێڕی ڕۆژهەڵاتی کوردستان، محەممەد ڕەمەزانی، بەخشی.

باڤێ نازێ: ئێستاش دەڵێم ڕۆمانی کوردی نییە

ئەگەر هەڵە نەبم، لە ساڵی ٢٠١٠دا بوو. گوتەیەکی باڤێ نازێ ڕۆژەڤ بوو: "ڕۆمانی کوردی نییە". کاتێک لێی دەپرسن ئایا هێشتا وا بیر دەکەیتەوە، باڤێ نازێ دەڵێت: "ئێستاش دەڵێم ڕۆمانی کوردی نییە. چ تایبەتمەندییەکی هەیە؟"

بەهۆی توانەوەی سەهۆڵی شاخی جیلۆ، ئاوی دەریاچە سەهۆڵینەکە زیاتر دەبێت

ئەو پسپۆڕانەی سەردانی شاخی جیلۆ دەکەن و کاری زانستی ئەنجام دەدەن، هۆشدارییان داوە کە سەهۆڵدانە سروشتییەکانی ئەو شاخە قووڵتر بوونەتەوە و بۆشایی گەورە لە بنەوە دروست بووە و نابێ خەڵک بچنە سەر سەهۆڵدانە سروشتییەکان.

پاش دابەزینی ئاوی دەریاچەی وان، ناوچەیەکی نشتەجێبوونی مرۆڤەکان لەژێر ئاو دەرکەوت

لەنێوان شارۆچکەی خەڵات و تەتوان ئاوی دەریاچەکە پاشەکشەی کرد و ناوچەیەکی نیشتەجێبوون دۆزرایەوە، کە ئێستا لەژێر ئاوەکەدا ون بووە. گۆڕستانێک دۆزرایەوە کە هێمای خاچ لەسەر کێلەکانی بوو و دۆزینەوەی ئەو شوێنە مێژووییانە سەرنجی مێژوونووسان و شوێنەوارناسانی ڕاکێشاوە.

تاڵانکردنی کانگای ئورانیۆمی شاری خۆی

لەم کانگایەدا ماددەگەلێکی گرینگی وەک "ئورانیۆم و مولیبدەنوم" بوونی هەیە کە کۆماری ئیسلامی دەیەوێت لە پیشە ستراتیژییەکانی وەک پێداویستییەکانی ڕێکخراوی وزەی ناوکی، کەڵکیان لێ وەربگرێت. هەروەها بۆ ئەم پرۆژەیە زیاتر لە ٦ هەزار میلیارد تەمەن سەرمایەگوزاری کراوە کە هەزار میلیاردی بۆ دامەزراندنی کارخانە تەرخان کراوە.

پشتیوانیی چالاکان و ڕێکخراوەکانی کوردستان لە ژینگەپارێزان و دارستانەکانی نیشتمان

وێڕای ئەوەی کە ژینگەپارێزان و کەسانی خۆبەخش لە شارە جیاجیاکانی کوردستان بە هانای ئەو ناوچانەوە دەچن کە دارستان و لەوەڕگەکانیان تووشی سووتان بوون، خەڵک و چالاکانی مەدەنی لە سەرتاسەری کوردستان، لە ڕێگای یارمەتیی ماڵیی ئەنجومەنە ژینگەییەکان و ژینگەپارێزان، خاوەندارێتیی خۆیان لە ژینگە و ژینگەپارێزانی وڵات ڕاگەیاندووە.

هونەرمەند شوان پەروەر بەرهەمێکی نوێی لەسەر "پەیمانی لۆزان" بڵاو کردەوە

تێکست و ئاوازی گۆرانییەکە لەلایەن "شوان پەروەر"ەوە دانراوە، بەرهەمهێنانی میوزیکەکەی لەلایەن "هاکان ئاکای"ەوە ئەنجام دراوە، هەروەها وێنە و ڤیدیۆ کلیپەکەش لەلایەن "ڕۆهلات ئیبش"ەوە ئامادە کراوە. لە ڤیدیۆ کلیپەکەدا گرینگی بە پەیمانی لۆزان دراوە و ئازار و مەینەتییەکانی گەلی کورد لە ڕێگەی وشە و وێنەوە پیشان دەدرێت.

نووسەر و شاعیر مەحموود سەبری کۆچی دوایی کرد

یەکیەتیی نووسەرانی کوردستانی سووریە پەیامێکی سەرەخۆشیی بڵاو کردەوە و ڕایگەیاند: "بە دڵێکی خەمبارەوە هەواڵی کۆچی دوایی نووسەر و شاعیری کورد مەحموود سەبری ناسراو بە ئەڤینداری خەمگین و ئەندامی یەکیەتیی نووسەرانی کوردستانی سووریەمان پێ گەیشت، بەم بۆنە خەمناکەوە سەرەخۆشی لە بنەماڵەی بەڕێزیان و سەرجەم ئەندامانی یەکیەتی و گەلی کورد دەکەین".

پرۆسەی داواکاری بۆ هەشتەمین فێستیڤاڵی دۆکیۆمێنتاریی  "فیلمئامەد" دەستی پێ کرد

هەشتەمین فێستیڤاڵی دۆکیۆمێنتاریی فیلمئامێد ئەمساڵ لە شاری ئامەد بەڕێوەدەچێت. ئەمساڵ کۆمەڵەی ئەکادیمیای سینەمای ڕۆژهەڵاتی ناوەڕاست (OSAD) و بەشێک لە ڕێکخراوە مەدەنییەکان پێکەوە فێستیڤاڵەکە ڕێکدەخەن.

فیستیڤالی دەنگی ژنانی کوردستان لە ئاڵمانیا بەڕێوە دەچێت

وەک ڕاگەیەندراوە بەرفین ئاکتای و ساکینە تەینا لە باکووری کوردستان، کەویار هادی و وەجێدە خێرۆ لە باشووری کوردستان، جیندا کانکۆ و سیدار ئیبراهیم لە ڕۆژئاوای کوردستان و سەحەر لوتفی و هانی موجتەهیدی لە ڕۆژهەڵاتی کوردستان لەم فێستیڤالەدا بەشدار دەبن و گۆرانی دەڵێن.

کتێبی سەعید ڤەرۆژ بە ناوی "سێ دوورخراوەی پەیماننامەی لۆزان: عەلی ئیلمی، زەینەلابدین فانی و مەسعوود فانی"، چاپ کرا

لەم پەیماننامەیەدا، لیستی دژبەران کە دەبێ ڕەگەزنامەیان لێ وەربگیرێت و دەر بکرێن، واژۆ کرا. بەپێی پەیماننامەی لۆزان، تورکیا بڕیار بوو لێبووردنی گشتی دەر بکات، بەڵام توانی ١٥٠ دژبەری خۆی کە جیای کردبوونەوە، لەم لێبووردنە بێبەری بکات. ١٥٠ کەس هەبوون کە لە لێبووردنی گشتی بێبەری کران و لە مانگی حوزەیرانی ساڵی ١٩٢٤ لە تورکیا دوور خرانەوە.

یەکەمین فێستیڤاڵی "شەل و شەپکان" لە شاری زاخۆ بەڕێوە دەچێت

شارەکانی هەولێر، دهۆک، زاخۆ و شرنەخ و دەڤەری بارزان و...، لە فێستیڤاڵی "شەل و شەپکان" بەشدارن و چەندین جلوبەرگ پێشکەش دەکەن.

لە بازید، دووەمین دیداری دەنگبێژانی "سەیادی شام" بەڕێوە دەچێت

ئەم دیدارە یەکێکە لە گەورەترین کۆبوونەوەکانی مێژووی ڕۆشنبیریی کوردی و ڕایگەیاند: "ئەمساڵ لەگەڵ هەشت هونەرمەندمان، گۆرانی و تێکستەکانمان پێشکەش دەکەین کە باس لە ئازار و خۆشییەکانمان دەکەن. هەروەها هەموو هەوڵێکمان خستووەتە گەڕ تاکوو ئەم کولتوورە زیندوو ڕابگرین و لەمەودواش هەروا بەردەوام دەبین.

ژمارەی شازدەهەمی گۆڤاری دەروونناسیی کوردی بە فایلی دەروونناسیی کلینیکی و بوومەلەرزە، بڵاو کرایەوە

دەروونناسیی کوردی، لە ژمارەکانیدا فایلی تایبەت، بابەت و وەرگێڕان سەبارەت بە دەروونناسی لەخۆ دەگرێت.

کتێبی "پەیوەندیی نێوان بەکارهێنانی تۆڕە کۆمەڵایەتییەکان و بەشداری لە بزووتنەوە کۆمەڵایەتییەکان بڵاو کرایەو

ئەنجامەکانی ئەم لێکۆڵینەوەیە ئاماژە بەوە دەکەن کە تۆڕە کۆمەڵایەتییەکان پاڵنەرێکی بەهێزی ڕاپەڕینی ئەم دواییەی ڕۆژهەڵاتی کوردستان نەبوون، بەڵکوو بە شێوەیەکی نەریتی تۆڕە ڕێکخراوەییە سیاسییە بەهێزەکان وا دەردەکەون کە ناڕەزایەتیی کۆمەڵایەتی لە ساتە گونجاوەکاندا ڕەچاو دەکەن، هەروەک چۆن لە ڕاپەڕینەکەی دوای شەهید کرانی ژینا لە پاییزی ساڵی ڕابردوودا ڕووی دا.

کتێبی "ئێران خانم، هاوارێک لە ورمێوە" چاپ و بڵاو کرایەوە

ئێران خان کۆفیی شکاکیی خۆی دەبەست و دەچووە ڕادیۆی ورمێ بۆ گۆرانی‌وتن. ئەو بە کۆفیی شکاکی و بە بەژن و باڵا جوانەکەیەوە، سۆزێکی هێندە شیرینی بە ڕادیۆی ورمێ دەبەخشی کە مرۆڤ حەیفی پێ دەهات سەیری نەکات. لە ورمێدا کەسێک پەیدا نابێت کە لەگەڵ ئەو دەنگبێژەدا بیرەوەریی نەبێت یان ماڵێک پەیدا نابێت کە کاستێکی ئەوی تێدا نەبێت، تەنانەت منداڵانی ئەو سەردەمەش ئاشنای دەنگی ئەو بوون و هەمووان لەگەڵ دەنگی ئەو بیرەوەرییان هەیە.

ئەنستیتیوتی کوردیی ئیستەنبوڵ بڕوانامەی دایە مامۆستایانی زمانی کوردی

ئەو بەرنامەیەی کە ڕۆژی 20/05/2023 لە هۆڵی ناوەندی ڕۆشنبیریی میزۆپۆتامیا ڕێکخرابوو، بە بەشداریی زیاتر لە ١٠٠ کەس بەڕێوە چوو. بەرنامەکە هەم بۆ یادی ٣١ ساڵەی دامەزراندنی ئینستیتیوتی کوردیی ئەستەنبوڵ، هەم بۆ ڕۆژی زمانی کوردی، هەم بۆ پێدانی بڕوانامە بەو کەسانەی بوونە مامۆستا بەڕێوەچوو.
ئایا دەتهەوێت ئاگاداری دوایین بابەت و هەواڵەکانمان بیت؟
تکایە بڕیار بدە!