سەیوان ئیبراهیمی لە لایەن دادگای شۆرشی سنە بە سەرۆکایەتیی دادوەر کەرەمی، بە تۆمەتی دروستکردنی "دەستە و گرووپ بۆ تێکدانی ئاسایشی گشتی" بە 10 ساڵ زیندان و بە تۆمەتی "پرۆپاگەندە لە دژی حکوومەت" بە ساڵێک زیندان سزا دراوە.
ئەم مامۆستا و چالاکی مەدەنییە، لە مانگی گەلاوێژی ئەمساڵیشدا بە تۆمەتی "تێکدانی ئاسایشی گشتی"، لایەن دادگای تاوانەکانی شاری سنەوە بە ساڵێک زیندان و دوورخرانەوە لە زێدی خۆی و لێدانی 40 قەمچی سزا درابوو. دواتر دادگای پێداچوونەوە سزای زیندان و قەمچییەکەی پەسند کرد و سزای دوورخرانەوەکەی هەڵوەشاندەوە.
سەیوان ئیبراهیمی لە لاپەرەی تایبەتی خۆی لە تۆری کۆمەڵایەتیی ئینستاگرام رایگەیاندووە تۆمەتەکانی کە بوونەتە هۆی سەپاندنی سزای 12 ساڵ زیندان بریتین لە: "بەرپرسیارەتی لە ئەنجوومەنی نۆژین و چالاکییەکانی ئەم ئەنجونە"، "پشتگیری لە خۆڕاگری هاوژێنەکەی، زارا مەحەممەدی"، "بڵاو کردنەوەی وێنەی شەهیدان لە تۆڕەکۆمەڵایەتییەکان" وەهەروەها، "هەبوونی پەیوەندی بە کەناڵی کورد تی ڤی" ئەمە لە کاتێکدایە کە ئەو لە بوونی وەها کاناڵێک ئاگادار نییە.
هاوژینی سەیوان ئیبراهیمی، مامۆستا زارا محەممەدی ساڵی ڕابردوو لە لایەن دادگای شۆرشی شاری سنەوە سزای پێنج ساڵ زیندانی بەسەردا سەپا و ڕەوانەی زیندانی سنە کرا. دواتر بە شێوەیەکی گوماناوی و لە ناکاو و بە بێ ئاگادار کردنەوەی خۆی و پارێزەرەکەی لە زیندان ئازاد کرا.
