شادی
کوردشۆپ- هۆزان شیار یان شیار فەرقینی کە ناوی ڕاستەقینەی "جەلال سارکایا"یە، ساڵی ١٩٥٣ لە ناوچەی فەرقینی سەر بە شاری ئامەد لە باکووری کوردستان لەدایک بووە. باوکی ناوی شەریفە و وێنەکێش بووە.
هونەرمەندی کورد هۆزان شیار لە تەمەنی ٧ ساڵیدا باوکی لەدەست دا. دوای کۆچی دوایی باوکی، دایکی لەگەڵ چوار منداڵە بچووکەکەی ژیانیان بەسەر دەبرد. دوای ماوەیەک دایکیان لە کارگەیەک لە فەرقین کارێکی دۆزییەوە و بەو شێوەیە ئاگاداری منداڵەکانی بوو.
هۆزان شیار لەلایەک یارمەتیی دایکی دەدا و کاری دەکرد، لەلایەکی تریشەوە درێژەی بە خوێندن دەدا. لە ماوەی ئەو ساڵانەی لە قوتابخانەدا، دەنگە خۆشەکەی هۆزان شیار سەرنجی مامۆستایان و قوتابییانی بۆ لای خۆی ڕاکێشا و لە ئاهەنگ و چالاکییەکانی قوتابخانەدا گۆرانی دەگوت. لە هەمان کاتدا لەو ساڵانەدا بزووتنەوە شۆڕشگێڕانە و نیشتمانپەروەرییەکان لەنێو گەنجاندا پەرەی سەندبوو. شیار لەو چالاکییانەدا بەشداریی کرد و لە چالاکییە شۆڕشگێڕییەکاندا ڕۆڵی گێڕا و بە دەنگی خۆی دژ بە ئاسمیلەکردن چالاکیی کرد.
هۆزان شیار ساڵی ١٩٧٣ ژیانی هاوسەرگیریی پێک هێنا و دوای هاوسەرگیری پەیوەندیی بە سوپاوە کرد و ساڵی ١٩٧٥ وەک فەرمانبەر لە لقی سەربازیی فەرقین دەستی بەکار کرد. جگە لە کارەکانی، گرووپێکی مۆسیقاشی دروست کرد. هەروەها لە کۆڕ و ئاهەنگەکانی هاوسەرگیری لەگەڵ گرووپە مۆسیقاکەی گۆرانیی کوردیی دەگوت. ئەم چالاکییانەی شیار سەرنجی دەوڵەتیشی بۆ لای خۆی ڕاکێشا. بەهۆی ئەوەوە دەوڵەت دژی ئەو هونەرمەندە کوردە بڕیاری دەرکرد و هەر بەو هۆیەشەوە هۆزان شیار لە خزمەتی حکوومی دوور خرایەوە.
هۆزان شیار لە ساڵانی ١٩٧٦- ٧٧، خۆی بەتەواوی بۆ مۆسیقا و بزووتنەوەی شۆڕشگێڕانە تەرخان کرد.
ناوبراو لەو ساڵانەدا بووە ئەندامی ڕێکخراوی "کاوا" و چالاکانە لە کارەکانی ئەو ڕێکخراوەدا بەشداریی کرد. یەکەم شریتی لە ساڵی ١٩٧٧دا تۆمار کرد. دوای یەکەم شریت، هۆزان شیار سەرەڕای هەموو سەختی و سنووردارکردنەکان، پێنج شریتی لەسەر یەک لەنێوان ساڵانی ١٩٧٧ بۆ ١٩٨٠ بڵاو کردەوە. لە هەشتاکاندا ناو و دەنگی هۆزان شیار لە شارەکانی کوردستان بڵاو بووەوە. بە گۆرانییە شۆڕشگێڕییەکانی، داوای لە خەڵکی کوردستان دەکرد کە هۆشیار بن. هۆزان شیار وەک زۆرینەی ڕۆشنبیران و سیاسەتوانان و هونەرمەندانی کورد بەشداریی لە کودەتا سەربازییەکەی ساڵی ١٩٨٠دا کرد. دەوڵەت شیاری دەسبەسەر کرد و ٢ ساڵ زیندانی بەسەردا سەپێندرا. دوای چەند ساڵێک لە زیندانیکردنی، ئازاد کرا.
ساڵی ١٩٨٤ دیسان لەسەر بەرهەمهێنان و دابەشکردنی شریتە کوردییەکانی دەسبەسەر کرایەوە و ساڵی ١٩٨٦ ئازاد کرا. هۆزان شیار سەرەڕای ئەو هەمووە سەختی و گرتنە، لە گوتنی گۆرانیی کوردی نەوەستا. دەوڵەت جارێکی تر دەسبەسەری کرد و بە توندی ئەشکەنجەی کرد. ساڵی ١٩٩٠ شیار بە شریتی نوێ لە بەردەم هەوادارانی دەرکەوتەوە. ناوی شریتە نوێیەکە "شیرینی من" بوو. بەڵام دۆخەکە جددیتر ببووەوە. دەستی ڕەشی کوشتن و کردەوەی نەناسراو ناوی هۆزان شیاریان خستە لیستەکەیانەوە و شیار چیتر نەیدەتوانی لە ماڵ دەربکەوێت. چوار بۆ پێنج مانگ لە ماڵدا مایەوە و دواتر بە نهێنی خۆی گەیاندە ئەستەنبوڵ. لەوێوە پەیوەندیی لەگەڵ ناوەندی ڕۆشنبیریی میزۆپۆتامیا کرد و ساڵی ١٩٩٢ چووە سوید.
ساڵی ١٩٩٨ تووشی شێرپەنجە بوو و لە ٢٢ی نیسانی ٢٠٠١ لە ستۆکهۆڵمی پایتەختی سوید کۆچی دوایی کرد و لە ناوچەی فەرقین بەخاک سپێردرا.
گۆرانیی "شیرینی من"
شێرینا من، وەرە با من
شێرینا من، ئەز بێهالم، وەرە با من
کو تو ژ من باوەر ناکی، نایی دیتنا من
پشتی ئەز مرم، تو قەت نەکە شینا من
چاڤرەشا من، چارە نینە
چاڤرەشا من، ناڤ و جەرگێم دەرد و خوینە
سەبەبا من ئەڤ دلا بووی تە ئەڤینە
هەر دو ب هاوار و ئاخین و گازینە
شێرینا من، وەرە با من
شێرینا من، ئەز بێهالم، وەرە با من
کو تو ژ من باوەر ناکی، نایی دیتنا من
پشتی ئەز مرم، تو قەت نەکە شینا من
شێرینا من، چاڤرەشا من
دەلالا من، شیارم
بێ تە خەو نایە
هێسترێ چاڤێم تێ خارێ را لێنایە
تە من کر دین و هارەک، بەردا دنیایێ
شێرینا من وەرە با من
شێرینا من، ئەز بێهالم، وەرە با من
کو تو ژ من باوەر ناکی، نایی دیتنا من
پشتی ئەز مرم، تو قەت نەکە شینا من
سازبەندۆ
شرن (بێ وەلاتم)
ڤان دەلالان
وەرە ڤرا
وەی لە دایە
یادە
جانە (لە جان لە جانە)
چەمە شکەستونە
دەستەگول (بارانە گوژە گوژە - زاڤا زاڤا - خەفتان خەفتان)
دەستەگول (ها لەر لەر - خانە بەیازە - مالا من)
دلە نەرمن
ئەڤندارم
فەلەک هەیلە
هەپس و زندان
هەسترەن من
کولیلکا ئازادی
ل دۆر زاخۆ
لۆرنا من (لە دەلالە وەرە ڤرا)
شەرینا من
بەرڤانێ
