تایبەت

هەواڵەکان

نووسەرێکی کرماشانی، خەڵاتی زێڕینی بلەی پێشکەش کرا

بەشی یەکەمی "کوردیکا" کە تایبەتە بە "وشەناسیی کوردی"، زیاتر لە 340 هەزار وشەی هەموو زاراوەکانی زمانی کوردیی لە 67000 لاپەڕەدا کۆ کردووەتەوە و بڕیار وایە لە 30 بەرگدا بڵاو بێتەوە. ئەم بەرهەمە تا ئێستا 9 بەرگی لە لایەن چاپەمەنیی "دیباچە"ی شاری کرماشانەوە چاپ و بڵاو بووەتەوە. ئەم 9 بەرگە لە 8000 لاپەرەدا ٧٣٠٠٠ وشە ( لە پیتی ئەلف هەتا خێ)یان لەخۆ گرتووە.

ئۆپێڕای مەم و زین لە ئاڵمانیا پێشکەش دەکرێت

فێستیڤاڵی نێودەوڵەتیی گوڵان کە لە ساڵی ١٩٨٧ەوە هەموو ساڵێک بەڕێوەدەچێت، لە چەندین چالاکیی ڕۆشنبیریدا لە سێ بەشی جیاوازدا نمایش دەکرێت کە پێکهاتوون لە مۆسیقا و شانۆ و سەما. فێستیڤاڵەکە کە ساڵانە پێشوازی لە 100 هەزار کەس دەکات، پاڵپشتیی هێزی ئەو ڕۆحی هونەرە دەکات کە یەکڕیزی بنیات دەنێت و هونەرمەندانی بەناوبانگی جیهانی لە ژێر یەک سەقفدا کۆدەکاتەوە.

ئەحمەد خەلیلی فەرد، هونەرمەندی شێوەکاری ڕۆژهەڵاتی کوردستان کۆچی دواییی کرد

ئەو هونەرمەندە کوردە لە ماوەی تەمەنی هونەریی خۆیدا زیاتر لە 15 پێشانگاری تاکەکەسیی بەڕێوە بردووە و لە زیاتر لە 100 پێشانگای گرووپییشدا بەشدار بووە. جیا لەمانەش ژمارەیەک لە بەرهەمە شێوەکارییەکانی لەسەر جەند دیوارێکی تارانی پایتەختی ئێرانیش نەخشێنراوە. کەلتوور و ژیان و جلوبەرگی کوردی ڕەنگدانەوەی لە زۆربەی تابلۆ شێوەکارییەکانی ئەحمەد خەلیلی فەرددا هەبووە.

هونەرمەندێکی کورد، میداڵیای زێڕی فێستیڤالی کۆلارەی چینی بەدەست هێنا

زاهید مونگان بە دروستکردنی کۆلارە بە شێوەی پیشەگەرانە، بۆ ٣٠ وڵات گەشتی کردووە و بە تەکنیکی تایبەتی چل پارچە، دوو هەزار پارچەی وەسەریەک خستووە و لە ماوەی ٥ مانگدا باڵۆنی تاووسێک و کەروێشکێکی دروست کردووە و لە چلەمین فێستیڤاڵی نێودەوڵەتیی کۆلارەی وەیفانگی چیندا بەشداریی کردووە.

سیمپۆزیۆمی مەلای جزیری لە زانکۆی وان بەڕێوە دەچێت

بەڕێوەبەرایەتیی پەیمانگای زمانە زیندووەکانی زانکۆی یوزونجی ییل لە شاری وان، سیمپۆزیۆمی مەلای جزیری بەڕێوەدەبات. سیمپۆزیۆمەکە لە ڕۆژانی ٢٧-٢٩ی نیسانی ٢٠٢٣ بەڕێوەدەچێت و ئەو وتار و کارە ئەکادیمیانەی کە لەسەر مەلای جزیری نووسراون پێشکەش دەکرێن و هەڵدەسەنگێنرێن.

دیوانی دڵداری شاعیری سروودی نیشتمانیی ئەی ڕەقیب لە باکووری کوردستان بڵاو کرایەوە

 شاعیری سروودی نەتەوەییی "ئەی ڕەقیب"، دڵدار (یونس ڕەئوف) لە ٢٠ی ڕەشەمەی ساڵی ١٩١٨ لە شاری کۆیە لە دایک بووە. لە ساڵی ١٩٤٨ لە شاری هەولێر کۆچی دواییی کردووە. دڵدار لە سەردەمی گۆڕانکاری و سەرهەڵدانی ڕێبازە ئەدەبییەکاندا ژیاوە.

پەنجا مامۆستای زمانی کوردی لە باکووری کوردستان و تورکیا دادەمەزرێن

وەزارەتی پەروەردەی تورکیا ڕایگەیاند، 50 مامۆستا بۆ خوێندنی زمانی کوردی لە باکووری کوردستان و تورکیا، 250 مامۆستا بۆ پۆلەکانی زمانی ئەڵمانی، 13 مامۆستا بۆ پۆلەکانی زمانی فەرەنسی، و 440 مامۆستا بۆ پۆلەکانی زمانی عەرەبی دادەمەزرێن.

لە ئاهەنگەکانی نەورۆزی ڕۆژئاوای کوردستاندا چوار هاووڵاتیی کورد کوژران

لە شارۆچکەی جندیرێسی سەر بە عەفرین کە ئێستا لەژێر داگیرکاریی دەوڵەتی تورک و چەکدارانی ئۆپۆزسیۆنی سوریادایە، شەوی نەورۆز هێرشێکی چەکداری لە دژی هەوڵی کوردە نیشتمانپەروەرەکان کە دەیانویست نەورۆز بگێڕن، ڕووی دا و لە ئەنجامی لەو هێرشەدا 4 کوردی قەزاکە کوژران.

نەورۆزتان پیرۆز بێت

هاونیشتمانان و کوردستانیانی خۆشەویست

ئێستا ئەپی کوردشۆپ بەردەستە

دووەمین ساڵیادی دامەزراندنی کوردشۆپ پیرۆز بێت.

دووەمین ساڵیادی دامەزراندنی کوردشۆپ پیرۆز بێت.

یەکەمین خەڵاتی ساڵانەی زارا بۆ زمانی کوردی پێشکەشی ڕێکخراوی ڤەژین کرا

ڕۆژی شەممە 2023/1/7 لە ڕێوڕەسمێکدا کە لە هۆڵی ڕۆشنبیریی شاری هەولێر، لە لایەن ڕێکخراوی کوردشۆپەوە بەڕێوە چوو، خەڵاتی زارا بۆ خزمەتی زمانی کوردی، پێشکەشی نوێنەرانی ناوەندی فەرهەنگی و هونەریی ڤەژین کرا.

پەیامی سەرۆکی ڕێکخراوی کوردشۆپ وڵات محەمەد ساڵح بۆ ڕێوڕەسمی یەکەمین خەڵاتی زارا

ڕێکخراوی کوردشۆپ، بە بینینی ئەو بۆشاییە گەورەیەی کە لە بواری زماندا هەیە و هەستکردن بە بەرپرسیارێتییەکی نەتەوەیی، بڕیاری دا بۆ یەکەمجار خەڵاتێکی تایبەت بە بواری زمان، پێشکەشی کۆمەڵگەی کوردی بکات، تاکوو نووسەران و مامۆستایان و زمانزانان بتوانن تواناکانی خۆیان تێیدا زیاتر نیشان بدەن و زیاتر بۆیان ببێتە هاندەر بۆ خزمەتکردن بە زمانی کوردی.

پەیامی دەستەی ئامادەکاری خەڵاتی "زارا بۆ خزمەت بە زمانی کوردی"

زمان، سەرەکیترین پێناسەی نەتەوەیە. بوون و مانی هەر نەتەوەیەک، بە پلەی یەکەم پەیوەستە بە مانەوەی زمانی ئەو نەتەوەیەوە. بە درێژایی مێژوو و بە تایبەت لە سەدەی ڕابردوودا، دەیان زمان لەسەر گۆی زەوی فەوتاون و ئاخێوەرانی ئەو زمانانە زمانی دراوسێکانیان یا زمانی ئایینەکەیان وەرگرتووە و زمانی خۆیان لە یاد کردووە. بەم شێوەیەش لە نێو گەلان و نەتەوەکانی دیکەدا تواونەتەوە و بوونەتە بەشێک لەم نەتەوانەی زمانەکەی ئەوانیان فەوتاندووە.

ئاڵوگۆری بازرگانی لە سنووری پەرویزخان زیاتر لە دوو ملیارد دۆلار بووە

لە سەرەتای نەورۆزەوە تا کۆتایی مانگی سەرماوەزی ئەمساڵ، ئاڵوگۆڕی بازرگانی لە سنووری پەروێزخانی پارێزگای کرماشان گەیشتووەتە دوو ملیارد و 178 ملیۆن دۆلار کە لەم برەش یەک ملیۆن و 653 ملیۆن دۆلاری هەناردە و 525 ملیۆن دۆلاریش هاوردە کراوە.

هەوای ورمێ بۆ هەموو تەمەنەکان مەترسیدارە

شاری ورمێی ڕۆژهەڵاتی کوردستان لە ڕیزی هەشت شاری گەورەی ئێراندایە کە پیسترین هەوایان هەیە. بەرپرسان دەڵێن هەوای ئەم شارانە بۆ سەرجەم تەمەنەکان مەترسیدارە و هەر بۆیەش داوایان لە هاووڵاتیان و بە تایبەت کەسانی نەخۆش و بە ساڵاچوو کردووە لە ناو ماڵەکانیان بمێننەوە.
ئایا دەتهەوێت ئاگاداری دوایین بابەت و هەواڵەکانمان بیت؟
تکایە بڕیار بدە!