کوردشۆپ: وەزارەتی پەروەردەی تورکیا ڕایگەیاند، 50 مامۆستا لە باکووری کوردستان و تورکیا بۆ خوێندنی زمانی کوردی دادەمەزرێنن.
وەزارەتی پەروەردەی تورکیا ڕایگەیاند، 50 مامۆستا بۆ خوێندنی زمانی کوردی لە باکووری کوردستان و تورکیا، 250 مامۆستا بۆ پۆلەکانی زمانی ئەڵمانی، 13 مامۆستا بۆ پۆلەکانی زمانی فەرەنسی، و 440 مامۆستا بۆ پۆلەکانی زمانی عەرەبی دادەمەزرێن.
مەحمود عوزێر، وەزیری پەروەردەی تورکیا ڕایگەیاند، بە گشتی 45 هەزار مامۆستا و لەو چوارچێوەیەشدا 50 مامۆستای زمانی کوردی بۆ ساڵی 2023 دادەمەزرێنن، کە 35 مامۆستایان بۆ پۆلەکانی زمانی کوردی بە زاراوەی کرمانجی، و 15 مامۆستا بۆ پۆلەکانی زمانی کلوردی بە زاراوەی زازاکی دادەمەزرێن.
وەزیری پەروەردەی تورکیا مەحمود عوزێر ڕایگەیاند، دامەزراندنی 45 هەزار مامۆستا کە لە 27.03.2023 تا 01.04.2023 دادەمەزرێن بە پشتبەستن بە داواکاریی مامۆستایانە و لە 08.05.2023 ناوی ئەو مامۆستایانەی دادەمەزرێن ڕادەگەیەنرێ .
ساڵی 2022 تەنها 3 مامۆستا بۆ وانەی زمانی کوردی دامەزراون، بەڵام ئەو خوێندکارانەی خوێندنیان لە بەشە کوردییەکان تەواو کردووە، داواکاری و ناڕەزایی خۆیان بۆ زیادکردنی ئەو ژمارەیە دەربڕیبوو. هه ڕوەها له دوو ساڵی ڕابردوودا هەڵمەتێک بۆ وانەی ئیختیاریی زمانی کوردی بەڕێوه چوو و ده توانرێت بگوترێ ئەو کەمپەین و هەڵمەتە هەندێک ئه نجامیان هەبوو.
دامودەزگاکانی زمانی کوردی، ڕێکخراوە مەدەنییەکان، پارتە سیاسییەکان و کەسانی ناودار، لەم ماوەیەدا لە سۆشیال میدیا داوایان لە حکوومەتی تورکیا دەکرد پێش هەڵبژاردن ٢٠٠ مامۆستای زمانی کوردی دامەزرێن.
