شادی
کوردشۆپ- پارێزگای ورمێ بە ٤٦ کانیاوی گەرم و کانزایی لە پلەی یەکەمی ئێران و ڕۆژهەڵاتی کوردستاندایە. ئەم بابەتە وای کردووە گەشتیارێکی زۆر بچنە ئەم پارێزگایە. بەشێک لە کانییە گەرمەکانی پارێزگای ورمێ لە شوێنە مێژووییە بەنرخەکاندا هەڵکەوتوون.
هەندێک لە گەرماوەکانی پارێزگای ورمێ بریتین لە: گەرماوەی مەحاڵ باراندۆز لە ورمێ، کانیاوی گەرمی ئەحمەدئاباد لە لێواری تەختی سولەیمانی تیکاب، کانیاوی گەرماو و زەنبیل لە ورمێ، ئاوی کانزایی زیندانی سولەیمان، کانیی سەدەقیان، کانیی باش کەندی لە ماکوو و گەرماوی گراو لە مەهاباد.
شاری چاڵدێران بە شوێنەوارە مێژوویی و سروشتییەکانییەوە، هەروەها بە گەرماو، سەرنجی زۆرێک لە گەشتیاران ڕادەکێشێت و ژمارەیەکی زۆر لە گەشتیاران دەچنە ئەو ناوچەیە.
کانیاوی گەرم چەندین تایبەتمەندیی جیاوازی هەیە و بۆ چارەسەرکردنی نەخۆشییەکانی هەناسەدان، ڕۆماتیزم، نەخۆشییەکانی پێست، نەخۆشییەکانی ئافرەتان و هەوکردن لە جەستەدا و هەروەها بۆ ئارامکردنەوەی دەمارەکان، هاوسەنگکردنی پەستانی خوێن، چارەسەرکردنی جومگەکان، چارەسەرکردنی ئازاری جومگەکان و گورچیلە زۆر بەسوودە.
بەهۆی بوونی ماددەی سۆدیۆم لە پێکهاتەکانیاندا، زۆرجار کانیاوی گەرم تایبەتمەندیی هێورکردنەوەی ڕیخۆڵەکانیان هەیە، هەروەها لە کاتی خواردنیشدا ترشەڵۆکی زۆر لە گەدەدا دروست دەبێت. لەلایەکی ترەوە بەهۆی بوونی ئاسن لە پێکهاتەکانیاندا، بۆ چارەسەرکردنی کەمخوێنی زۆر کاریگەرن.
لە شاری چاڵدێران دەیان شوێنی گەشتیاری و شوێنەواری مێژوویی و شوێنی ناوازە هەن. سەرچاوەی کانیاوی گەرمی چاڵدێران لە گوندێکە بە هەمان ناوەوە، گوندی گەرماڤێ کە نزیک ناوەندی شاری چاڵدێرانە.
گەرماوەی چاڵدێران دوو مەلەوانگەی سەرپۆشراوی تایبەت بە ژنان و پیاوانی هەیە و کۆمەڵێک خزمەتگوزاریی کۆمەڵایەتی و خوشگوزەرانیی هەیە. هەروەها لە شوێنێکی سەرسەوز هەڵکەوتووە. ئەم گەرماوەیە بە خزمەتگوزارییەکانی، سەرنجی گەشتیاران بۆ لای خۆی ڕادەکێشێت.
هەروەها گەرماوەی چاڵدێران بەهۆی بەناوبانگی لە بواری تەندروستی و دەرمان، سەرنجی دانیشتووانی ئەو ناوچەیە و شارەکانی دەوروبەری بۆ لای خۆی ڕاکێشاوە.
بەهۆی سروشتی شاخاویی ناوچەکە و کەش و هەوای خۆش و سروشتی جوان، ساڵانە خەڵکێکی زۆر لە ناوچە جیاجیاکانی پارێزگاکە لە وەرزی بەهار و هاویندا سەردانی چاڵدێران دەکەن.
تایبەتمەندییە دەرمانییەکانی گەرماوەی چاڵدێران
بەهۆی ئەو پێکهاتەیەی کە لە گەرماوەکانی ئەو ناوچەیەدا هەن، بۆ چارەسەرکردنی نەخۆشییەکانی پێست و چەندین نەخۆشیی جیاواز، بەتایبەتی ڕۆماتیزم، زۆر کاریگەرن.
شوێن
گەرماوەی چاڵدێران دەکەوێتە گوندی گەرماڤێ و ٥ کیلۆمەتر لە شاری چاڵدێران دوورە. هەروەها گەرماوەکە دەکەوێتە سەرووی گوندی گەرماڤێ.
شوێنە گەشتیارییەکانی چاڵدران
شاری چاڵدێران بەهۆی هەوای سارد لە وەرزی زستان و هەوای فێنک لە وەرزی هاویندا، یەکێک لە ناوچە گەشتیارییەکانی پارێزگای ورمێیە. ئەم شارە یەکێک لە شارە هەرەبەرزەکانی ڕۆژهەڵاتی کوردستان و ئێرانە. دەریاچەی "ناوورێ" کە لە سنووریترین ناوچە هەڵکەوتووە، یەکێک لە شوێنە گەشتیارییەکانی چاڵدێرانە. هەروەها لە ئاسەوارە مێژووییەکانی شار دەتوانین ئاماژە بە کەنیسەی تاتاوس "کەنیسەی ڕەش"، گوندی دەلیک داش، گوندی قەشقەبلاخ، گیخبلاخ و گەرماڤێ بکەین. هەروەها بەنداوی بارون ناسراو بە بەنداوی ماکوو، ٢٠ کیلۆمەتر لە ناوەندی شاری چاڵدێرانەوە دوورە.
