ئەمساڵ 90 هەزار تۆن سێو لە مهاباد بەرهەم هاتووە
ڕەحمان پیرەباب، بەڕێوەبەری فەرمانگەی جەهادی کشتوکاڵی مهاباد رایگەیاند ئەمساڵ 90 هەزار تۆن سێو لە سنووری شاری مهاباددا بەرهەم هاتووە و لەم بڕە 30 هەزار تۆنی کەوتووەتە ناو بازاڕەوە و 60 هەزار تۆنیشی لە ساردخانەکان پاشەکەوت کراوە.
جیا لەم 90 هەزار تۆنە، 34 هەزار تۆنی سێوی وەریوی ژێر دارەکانیش لە باخەکانی مهاباد کۆ کراوەتەوە و بۆ کارگا پێشەسازییەکان گوازراوەتەوە.
بەرهەمی ئەمساڵی سێوی مهاباد 50 هەزار تۆن لە ساڵی ڕابردوو کەمتر بووە.
پارێزگای ورمێی ڕۆژهەڵاتی کوردستان ساڵانە زیاتر لە یەک ملیۆن تۆن سێو بەرهەم دێنێ و بەم شێوەیەش پلەی یەکەمی بەرهەمهێنانی سێوی لە ئاستی ئێران و ڕۆژهەڵاتی کوردستاندا هەیە.
