ڕێزان دڵژەن
من ئەوەی حەزم لێیە دەینووسم.
"ستیڤ بیکۆ"
هەرچەندە ئەمڕۆ کەم کەس "ستیڤ بیکۆ" دەناسێت، بەڵام بە ڕۆحی یاخیبوون و بیرۆکە تیژ و قەڵەم ڕەشەکەی لە هەموو کۆمەڵگەیەکدا وەبیرم دێتەوە. من بە چەند نموونەیەک نیشان دەدەم - بە تایبەتی سەبارەت بە دۆخی باکوور نموونە ناهێنمەوە، بەڵام بێگومان دۆخەکە لە بەشەکانی دیکەدا کەم تا زۆر وەک یەکە - بۆچی هەمیشە "ستیڤ بیکۆ"م لەبیرە و بۆچی پێویستە ئەم ڕەشەمان لەبیر بێت؟
گرینگ نییە ئەمڕۆ لە چ کۆمەڵگەیەکداین، کاتێک پرسی تورک و کورد (باڵادەست – ژێردەست) دێتە پێشەوە و ئەگەر تورکێک لە کۆمەڵگەیەکدا بێت، بەرگەی ئەو تورکە ناگریت، ئەو لە هەموو کەس زیاتر قسە دەکات و بێگومان لە هەموو کەسێک هەستیارترە. بێگومان ئەوان تەنیا قسە دەکەن. لە ئێستادا ئێمە دەبێ سڵاوێک لە بیکۆ بکەین کە دەڵێت: "ئەوانەی قسە دەکەن هەمیشە سپی پێستن، بەشی ڕەشپێستەکانیش گوێگرتنە." و بێگومان تورکەکان (سپی پێستەکان) هەمیشە قسە دەکەن، چونکە خۆیان بە زیاتر لە ئێمە دەبینن، خۆیان لە ئێمە بە ژیرتر دەزانن، قەبووڵ ناکەن خۆیان کەمیان هەیە. "لیبراڵە سپی پێستەکان پێویستە لە چارەسەرکردنی کێشەی ڕەش پێستەکاندا خەڵکی ڕەش پێست بە تەنیا جێ بهێڵن، هەروەها پێویستە گرینگی بە خراپەکارییە بنەڕەتییەکانی کۆمەڵگە بدەن کە ئەویش ڕەگەزپەرستیی سپی پێستەکانە." (ل ٣١) دوای گفتوگۆیەکی دوورودرێژ، حاکم ناوێکی فیۆداڵیت پێ دەدات کە هەم لێی دەترسیت و هەم لێی دوور دەکەویتەوە. ساڵانێکە ئەم ناوە وەک خەنجەر بەکار دەهێنن: "کوردچێتی". لێرەدا دەبێ متمانەمان بە خۆمان هەبێت، نابێ لە هیچ پێناسەیەک بترسین کە دەسەڵاتداران بەسەر ئێمەیاندا سەپاندووە، هەروەها دەبێ وەک بیکۆ پێناسەی "هۆشیاریی کوردی" بکەین.
١- ڕەشبوون مەسەلەی ڕەنگی پێست نییە، ڕەشبوون، درەوشاوەیی دەروونییە.
٢- تەنیا بە پێناسەکردنی خۆت وەک ڕەشپێست دەتوانیت بگەیتە ڕزگاربوون. (ل ٥٩)
پێناسەکردنی کوردبوون بۆ ئەم گەلە کارێکی ئاسان نییە. دەبێ ئێمە هەندێک سەری ئەوان بێشێنین. بزانین ئەمجار لە خەو هەڵدەستن. "بێهێزی نەژادێکی سواڵکەر دروست دەکات." (ل ٧٥)
بیکۆ لە چاوپێکەوتنێکدا دەڵێت:
- بە بۆچوونی تۆ سپی پێستێکی کۆمۆنیست و سپی پێستێکی لیبراڵ لە بنەڕەتدا یەک شتن؟
- نەخێر، بەپێی ئایدۆلۆژیاکەیان یەک شت نین، بەڵکوو لە خەباتی ڕەشپێستەکاندا هەمان شت دەڵێن. (ل ١١٦)
ئەمە پرسێکی گرینگە، چ چەپێکی تورک، چ کەسێکی ئایینیی تورک، یان لیبراڵێکی تورک، هەمان گۆرانی لەسەر پرسی کورد دەڵێت. دەبێ پێش خاک مێشکمان ڕزگار بکەین، چەندە دەستمان/ مێشکمان لە حاکمەکان شۆردووە؟ ئایا دەتوانین وەک مرۆڤی ئازاد مامەڵە بکەین و بیر بکەینەوە و بژین؟ یان دەتوانین ئەوەندەی دەسەڵات ڕێگەی پێ داوە ئەم کارە بکەین؟ سڵاوێکی دیکە، "خەڵک کاتێک ڕوانگەیان دژی سیستەم دەخەنە ژێر پرسیارەوە، سیستەم شکڵ دەگرێت." (ل ١٠٨)
لە کۆتاییدا مافی خۆتە بڵێیت: ئایا بیکۆ، هیچی لەبارەی چارەسەرەوە نەگوتووە؟ بێگومان پیاوە ڕەشپێستەکە بۆ ئەمە شتێکی گوتووە، "تێزی ڕاستەقینەی ئەوان ڕەگەزپەرستییەکی بەهێزی سپی پێستەکانە، ئەگەرنا دژە تێزەکە دەبێ ipso-facto بێت، واتە دەبێ پشتیوانییەکی بەهێز هەبێت."
لە کۆتاییدا هەرچەندە ئێمە لەبارەی بیکۆ نازانین، بەڵام چەندین جار سڵاوی خۆمان بۆ ناردووین، با گوێ لە قسەکانی Peter Gabrielî بگرین سەبارەت بە بیکۆ، بۆ ئەوەی دەستی ستیڤ بیکۆ لە هەوادا نەمێنێتەوە:
“Und alle, alle seh’n euch jetzt
Seh’n euch jetzt seh’n euch jetzt
Sie sind da”
سەرچاوە:
ستیڤ بیکۆ، Siyah Bilinci، وەرگێڕانی Onur Eylül Kara، ٢٠٢١.
