کوردشۆپ- لە پارێزگای موگلەی تورکیا لە نێوان ٢٥ی ئازار تا ١ی نیسانی ٢٠٢٣، لە پاڵەوانێتیی بۆکسێنی تاکەکەسیی کچان و کوڕانی گەنج، زیلان کیزماز، وەرزشکاری کوردی خەڵکی باتمانی باکووری کوردستان لە بەشی ئافرەتان لە تورکیا پلەی سێیەمی بەدەستهێنا.
لە ٦١ شارەوە ٤٤٨ وەرزشکاری گەنج و ٢٣٦ وەرزشکاری ژن بەشدارییان لەو پاڵەوانێتییەدا کرد و میدالیا بۆ ژن و پیاو بە قەبارە و کێشی جیاواز لە پێشبڕکێ و پاڵەوانێتییەکان دابەش کرا.
وەرزشکاری سەرکەوتوو، زیلان کیزماز، بە یاوەریی بوراک ئیرن، بەڕێوەبەری لقی وەرزشی پارێزگاکە، عەبدوڵڵا ئای، نوێنەری بۆکسێنی شارەکە و مستەفا ئوکویوجو و ئیبراهیم گوێزەل وەک یەکەم مامۆستایانی ڕهێنەری بۆکسێن، سەردانی مەهمەت شافی ئۆزپەرک، بەڕێوەبەری وەرزش و لاوانی پارێزگای باتمانیان کرد.
بەڕێوەبەڕی وەڕزش و لاوانی پارێزگای باتمان، مهمەت شافی ئۆزپەڕک، خۆشحاڵیی خۆی بۆ سەردانەکه دەربڕی و پیرۆزبایی له وەرزشکاری سەرکەوتوو زیلان کزماز و ڕاهێنەره کانی کرد.
