شادی
کوردشۆپ - ڕەشکە کە ماوەیەکی زۆرە بۆ ڕازاندنەوەی شیرینی و خواردەمەنییەکانی دروستکراو بە ئارد بەکاردێت، لەم ساڵانەی دواییدا بەها و گرنگییەکەی زیاتر دەرکەوتووە.
ڕەشکە یەکێکە لەو گیا و ڕووەکانەی کە بە شێوەیەکی بەرفراوان لە هەموو جیهاندا بەرهەم دێت و بەکاردەهێنرێت. هۆکاری سەرەکیی ئەمەش ئەوەیە کە چەندین پێکهاتەی بەنرخی تێدایە کە بۆ تەندروستیی مرۆڤ بەسوودن.
سوودەکانی ڕەشکە:
- بەو "ڤیتامین سی"یەی تێیدایە کاریگەریی دژە ئۆکسینەرەکان دەردەخات و لەم ڕێگایەشەوە بەکتریا و میکرۆبەکان لەناو دەبات.
- لە پاش هەوکردنی ئەندامانی جەستە وەک جومگەکان، سیستەمی بەرگریی لەش بەهێز دەکات.
- ئەگەری تووشبوون بە شێرپەنجە کەم دەکاتەوە.
-لە شێرپەنجەی مەمک و پرۆستاتدا، خێراییی زیادبوونی خانە شێرپەنجەییەکان کەم دەکاتەوە.
- جگەر دەپارێزێت و بەهێزی دەکات و چارەسەرێکی یارمەتیدەرە لە نەخۆشییەکانی جگەردا.
- شەکری خوێن دادەبەزێنێت و پێش بە بەرگریی ئەنسۆلین دەگرێت. (ئەنسۆلین هۆرمۆنێکە دژی نەخۆشی شەکرە بەکاردێت)
-کاریگەریی باشی لەسەر نەخۆشییەکانی وەکوو تەنگەنەفەسی یان کاردانەوەی حەساسییەت یان تای بەهار هەیە.
- تەندروستیی دڵ دەپارێزێت.
- لە کێشەکانی پەستانی بەرزدا، فشار کەم دەکاتەوە.
- بۆ قورگ ئێشە زۆر باشە.
- لە دژی ژەهراوی بوون بە مۆرفین بەسوودە.
- تایبەتمەندیی چاککەرەوەی بۆ نەخۆشییەکانی پێست هەیە.
-یارمەتیدەرێکی باشە بۆ دابەزاندنی کێش.
- ڕەشکە گلەیی و گازندەی ئافرەتانی دووگیان کەم دەکاتەوە. کاریگەریی نەرێنیی نییە، بەڵام بۆ خانمان لەم ماوەیەدا و بۆ ئەو کەسانەی شیر دەدەن بە منداڵەکانیان، ڕێگە بە زیادبوونی ئاستی شیر دەدات و بۆ خودی منداڵەکە سوودێکی زۆری هەیە.
ڕەشکە تاڵەکانی قژ بەهێز دەکات
ڕەشکە گیایەکی دەوڵەمەندە بە ترشە چەورییە بنەڕەتییەکان. بەم تایبەتمەندییە ڕێگری لە شکانی قژ و هەڵوەرینی قژ دەکات و قژ بەهێز دەکات. ئەو ڤیتامین و کانزایانەی لە ڕەشکەدا هەن وا دەکەن قژ درێژتر بێت.
- لە نەخۆشیی سەدەف (پسۆریازیس)دا سوور بوونەوەی پێست کەم دەکاتەوە.
- هاوسەنگیی هۆرمۆنەکان لە لەشدا ڕێکدەخات.
-پشتیوانە بۆ پۆتاسیۆم و زینک و مەگنیسیۆم.
-دەرمانێکی باشە بۆ برین.
-لە کێشەی سەرئێشەدا، ئازار کەم دەکاتەوە.
- کرمی ڕیخۆڵە کەم دەکاتەوە و مشەخۆری ڕیخۆڵە دەکوژێت.
-گازات لە گەدەدا تێدەپەڕێنێت و ئەگەری شلبوونەوە لە کۆئەندامی هەرسدا دروست دەکات.
- گرفتەکانی قەبزی چارەسەر دەکات و جووڵەی ڕیخۆڵەکان باشتر دەکات.
- بۆ ئەو کەسانەی کێشەی مایەسیرییان هەیە بە شێوەی دەرەکی بەکار دەهێنرێ و بەسوودە.
- گیرانی لووت و بۆڕیی هەناسەر دەکاتەوە.
- پلەی گەرمیی لەش دادەبەزێنێ واتە گەرمیی زیادە لە جەستەدا کەم دەکاتەوە.
- کاریگەرە بۆ هاوسەنگکردنی کۆلیسترۆڵ.
- لە دژی میکرۆب و ڤایرۆس و نەخۆشیەکانی پێست زۆر کاریگەرە.
چۆن ڕەشکە بەکار بهێنین؟
شارەزایان پێشنیاری ئەوە دەکەن کە ئەو کەسانەی بۆ یەکەمجار ئەم تۆوە بەکاردەهێنن، پێویستە بۆ ماوەی لانیکەم ٦ مانگ بە بەردەوامی بەکاری بهێنن.
هەروەها بە وتەی شارەزایان؛ نابێت ڕەشکە بە شێوەی هاڕاو و وردکراو بەکاربهێنرێت. چونکە زەیتە بەسوودەکانی ناو ڕەشکە لەکاتی هاڕیندا لەناو دەچن. هەر بۆیە باشتر وایە ڕەشکە بە شێوەی تۆوەکەی بەکاربهێنرێت. ڕەشکە دەتوانرێت لە کولیچە، کولێرە، کەلانە، بیسکویت و زەڵاتە و بە کورتی لە زۆر خواردندا بەکاربهێنرێت. هەروەها بۆ ئەوەی ڕەشکە بە شێوەیەکی ڕێکوپێک بەکاربهێنن، دەتوانن کاتژمێرێک پێش نانی بەیانی و پێش ژەمەکان بیجوون.
ڕەشکە بە ئاسانی لە هەموو مارکێت و دوکانەکانی خواردن دەستدەکەوێت. بەڵام بەکارهێنانی ڕۆژانەی نابێت بە گشتی لە ٢ گڕام زیاتر بێت؛ چونکە ئەگەر بە شێوەیەکی دروست بەکارنەهێنرێت زیان بە جەستە دەگەیەنێت.
ئەگەر هەموو بەیانییەک و هەموو ئێوارەیەک نزیکەی ٣٠ خولەک پێش ژەمەکان توو ڕەشکە بە سکی بەتاڵ بخورێت یان کەوچکێک تۆوی ڕەشکە لەگەڵ ئاوێکی زۆردا بخورێت، ئەوا سوودەکانی ئەو ڕووەکە زیاتر وەردەگرن و زیاتر دەبینرێن.
