کوردشۆپ - لە پێشبڕکێی پاڵەوانێتی زۆرانبازیی قۆڵ (قۆڵ شکێنە)ی ئاسیادا کە لە دوبەی بەڕێوەچوو، گەنجێکی کورد بۆ جاری حەوتەم بووە پاڵەوان.
پاڵەوانێتی زۆرانبازیی قۆڵی ئاسیا لە ٢٩ی نیسان تا ٤ی ئایار بە بەشداریی وەرزشوانانی 19 وڵات، لە شاری دوبەی پایتەختی ئیماراتی یەکگرتووی عەرەبی بەڕێوەچوو.
بەپێی ئەنجامی ئەو کێبڕکێیە، وەرزشوانێکی کوردی خەڵکی خەڵکی کازاخستان بە ناوی "عەبدولمەناف توزوێڤ"، بۆ جاری حەوتەم لە هەردوو یاریی زۆرانبازی دەستی ڕاست و چەپ بە کێشی تا ٨٥ کیلۆ بووە پاڵەوانی ئاسیا.
وەرزشکاری کورد عەبدولمەناف توزوێڤ، پێشتر 3 جار بووەتە پاڵەوانی جیهان.
عەبدولمەناف توزوێف لە ناوچەی ئەلماتی کازاخستان لەدایکبووە و تەمەنی ٢٤ ساڵە. ئەو لە تەمەنی گەنجیەوە بەشداریی زۆرانبازی دەستی کردووە و خاوەنی چەندین نازناو و دەستکەوت لەسەر ئاستی هەرێمی و نێودەوڵەتییە:
- توزوێڤ لە ساڵانی ٢٠١٩ و ٢٠٢١ و ٢٠٢٢ سێ جار پاڵەوانی جیهان بووە.
- هەروەها لە ساڵی ٢٠١٧ تا ٢٠٢٣ لە ماوەی حەوت ساڵدا ٧ جار بووە بە پاڵەوانی ئاسیا.
- لە ساڵی ٢٠١٧ تا ٢٠٢٣ حەوت جار بووە بە پاڵەوانی کۆماری کازاخستان.
- لە ساڵانی ٢٠١٧ و ٢٠٢١ دوو جار بووە بە پاڵەوانی جامی کراوەی ئاسیا
- لە ساڵی ٢٠١٧ تا ٢٠٢٣ حەوت جار بووە پاڵەوانی شاری ئەلماتیی پایتەختی کازاخستان.
