هاوار هەورامان
ئامێری دیوان
_ ئه‌م ئامێره به ناوی ساز، ساز دیوان، باغڵه‌مه، جوره و بزق ده‌ناسرێ.
_ له بنه‌ماڵه‌ی ئامێره ژێداره‌کانه که به یارمه‌تیی ڕیشه (مزراب) ده‌ژه‌ندرێ.
_ له داره‌کانی گوێز، توو، ئه‌فرا و... چێ ده‌کرێ.
به گشتی به چوار شکل و قه‌باره دروست ده‌کرێ.
_ ده‌سکی درێژ و کاسه‌ی مامناوه‌ند.(دیوان)
_ ده‌سکی کورت و کاسه‌ی گه‌وره.(باغڵه‌مه)
_ ده‌سکی کورت و کاسه چکوله(جوڕه)
_ ده‌سکی پان و درێژ و کاسه‌ی گه‌وره که له کاسه‌ی به‌ربه‌ت ده‌چێ (بزق).
_ ئه‌م ئامێره له‌م به‌شانه درووست بووه:
_ کاسه(سندوقی ده‌نگ)، ڕوی کاسه(سه‌فحه)، ده‌سک(ده‌سته)، سه‌رده‌سک (جێگه‌ی کلیل یان ماڵی کلیل)، ژێ، ژێگیر، پرد و کلیل
_ کاسه(سندوقی ده‌نگ)
_ کاسه‌ی ئامێری دیوان به دو شێواز چێ ده‌کرێ که هه‌ر کام له‌م دو شێوازه بۆ خۆی گه‌وره‌یی و بچووکیی هه‌یه.
_ جۆری یەکەم: کاسه‌یه‌ک هه‌ر وه‌کوو ئامێری ته‌نبوور هه‌ڵیده‌کۆڵن و نێوه‌که‌ی خاڵی ده‌کرێ.
_ جۆری دوهه‌م وه‌کوو ئامێری عوود چێ ده‌کرێ واته له له‌ته داری بچوک که پێکه‌وه ده‌چه‌سپێندرێن.
_ ڕووی کاسه (سه‌فحه)
_ ڕووی کاسه له جۆرێک داری کاج به ناوی ئێسپروس دروست ده‌کرێ که ڕه‌گه‌کانی ڕاست و ڕێکن.
_ به پێی قه‌باره‌ی جۆراوجۆری ئه‌م ئامێره، پانیی ڕووی کاسه له ١٥ بۆ ٣٥ و درێژایی له ٢٥ بۆ ٥٠سانته.
_ ده‌سک(ده‌سته)،سه‌ر ده‌سک (جێگه‌ی کلیل یان ماڵی کلیل)
_ ده‌سکی ئه‌م ئامێره له داره‌کانی گوێز، ئه‌فرا، ڕاش و... دروست ده‌کرێ.
_ درێژاییی ده‌سکی ئامێره‌که به دوو شێوه‌ی ده‌سته درێژ و ده‌سته کورته. له‌گه‌ڵ گه‌وره و چکووله‌ییی ئه‌ندازه‌ی کاسه له پێوه‌ندیدان. (سازی کاسه گه‌وره‌ی ده‌سته کورت،کاسه گه‌وره‌ی ده‌سته درێژ)
_ ڕووی ده‌سکی ئامێر ڕێک و ته‌خت ده‌کرێ و ژێر ده‌سکی ئامێره‌که‌ش خرت ده‌کرێته‌وه، وه‌کوو پیتی(u).
_ درێژاییی سه‌رده‌سک یان سه‌ر‌ده‌سته ٢٢ بۆ٢٣ سانته و کلیله‌کان له‌سه‌ری جێگیر ده‌بن.
_ به گشتی باغڵه‌مه و دیوان ٧ بۆ ٩ کلیل و جوڕه و بزق ٦ کلیلیان هه‌یه.
_ ژێ، ژێگیر
_ ژێیه‌کانی ئه‌م ئامێره له جوره و بزق ٦ و له دیوان و باغڵه‌مه دا ٧ بۆ ٩ ژێن.
_ ژێگیر له لای خواره‌وه‌ی کاسه له سه‌رووی پشتبه‌ند ده‌درێ. له‌ته دارێکی بچوکی سه‌خته دار کونی وردی تێده‌کرێ و ژێیه‌کانی تێده‌هاڵێنن. به‌م شێوازه‌یه که له وێنه‌کاندا پێشان دراوه.
_ پرد
_ دو جۆره پردی هه‌یه. له‌دار دروست ده‌کرێ و شوێنی دانانی ژێیه‌کان له‌سه‌ری دیاری کراوه. یه‌کیشیان له کۆتایی ده‌سکی ئامێره‌که له لای سه‌ره‌وه‌دایه.
_کلیل
_ کلیل له درای سه‌خت و ڕه‌ق چێ ده‌کرێ. (زۆرینه داری گوێز،ئابنووس و ...)
_ سه‌رێکی ژێ له ژێگیر ده‌هاڵێنرێ و به سه‌ر دوو دانه پرددا ده‌ڕوا و ده‌گاته جێگای کلیله‌کان و له پاشان ئه‌و سه‌ره‌ی دیکه‌شی له کلیله‌کان دا لوول ده‌کرێ.
_ هه‌ر ژێیه‌ک کلیلی خۆی هه‌یه و شل و توندی و ڕاگرتنی ژێیه‌کان به یارمه‌تیی کلیل ئه‌نجام ده‌درێ.
