گیپە و کەلەدۆش، دوو چێشتی کوردەواری

مامۆستا سەردار

هه موو ناوچەیەکی کوردستان به پێی کولتووری ناوچەیی، کۆمەڵێک تایبەتمەندیی خۆی هەیە. وەک چۆن زاراوە دەگۆڕێ هەر ئاواش جۆری خواردەمەنی و شتی دیکەش دەگۆڕێن. هێندێک چێشت هەن لەگەڵ ئەوەی ناوی تایبەتی خۆیان هەیە هەر بەم شێوەیەش تام و چێژی جیاوازیشیان هەیە. دەخوازم لەم بابەتەدا باس لەوە بکەم ئەم خواردنە تایبەتانە چۆن ئامادە دەکرێن و چیان تێ دەکرێ.

کەلەدۆش: کەلەدۆش بە تایبەتی لە دیوی جۆڵەمێرگ و ناوچەی سەرحەد و هەروەها لە ڕۆژهەڵاتی کوردستان دروست دەکرێ.

پێداویستییەکان:

1- گەنمی وردکراو یا ساوار

2-نۆک

3-فاسۆلیا

4- چۆرین (گیایەکی بۆنخۆشە)

5- گۆشتی نەرم (ئیختیاری)

6- ڕۆنی کەرە

7- بیبەری ورد

8- خوێ

9- پەتاتە

10-ماست

ئەوانەش دەکرێنە ناو ماستەکەوە:

1-سیر

2-هێلکە

3-ئارد (بە ڕادەی پێویست)

4- خوێ

دروستکردنی کەلەدۆش:

1- سەرەتا دەبێت دانەوێڵەکە (گەنم) بەباشی بکوڵێ نی

2- ئەو نۆک و فاسۆلیایەی پێشتر کوڵاندووتە بیکە ناوی

3- پەتاتەی وردکراوی تێ بکە

4- گۆشتی کوڵاو و ئاوی گۆشتی کوڵاوی پاڵێوراوی تێ بکە

5- گیای چۆرینەکە بە باشی بشۆ و لە قاپێکی جیادا بیکوڵێنە و بیپاڵێوە و جا بیکە ناو کەلەدۆشەکە.

6- کیلۆیەک ماست و سیر و خوێ و هێلکەیەک و 5 کەوچک ئاردی بەپێی تامی دڵخوازی خۆت تێکەڵ بکە و بیکە ناو کەلەدۆشەوە و لێیگەڕێ با باش بیکوڵێ.

7- ڕۆنی کەرە و بیباری ورد بۆ خواردنی سەر سفرەکەت ئامادە بکە.

خواردنەکەت ئامادەیە، دەتوانیت بیکەیە ناو قاپێکەوە و کەرەی قاڵبووی بەسەرداکەی و چێژ وەربگری!

تێبینی: تا ماست و چۆرین زیاتر بێت، تامی کەلەدۆش خۆشترە.

چۆنێتیی دروستکردنی گیپە:

خواردنێکی زۆر تایبەتە لە کوردستان. پێشتر لە بابەتێکدا باسمان لەوە کردبوو کە کورد بە شێوەی سروشتی دەژی. ئەو بوونەوەرانەش کە لە کوردستان بە شێوەی سروشتی دەژین، هەموو شتەکانیان بەسوودن و کورد بەکاریان دینێ. گیپەش خواردنێکە کە لە گەدە و ڕیخۆڵەی ئاژەڵ دورست دەکرێ و چێشتێکە کە لە هەموو کوردستاندا دەخورێ. هەرچەند ئێستا دەتوانین بڵێین لە زۆر وڵاتی دیکە و لە هەموو شوێنێک هەیە بەڵام تامە ڕەسەنەکەی هەر هی کوردستانە.

پێویستییەکان:

1-برنج

2- ڕەیحانە

3-پیاز (دوو دانە)

4-دەنکێک سیر

5- نیو کیلۆ قیمە

6- جاترە کێوی

7- خوێ

8- بیبەری وشک

9- بیبەری ڕەش

10- بیبەری ورد

11- چەوریی سنگی مەڕ