Di nava rezekê li binya Kelha Xan
Di nava bexçeyên sêva ên Dim Dim
Di sala reş û şîna Simko
Li ser pira Çemê Bajar
Di nav dîroka tejî xirabî û tawan a eceman de
Li bajarê kesk ê gêlasan û Geliyê Xan
Li gundê çiya û rewezê Berkewil û Mam Brayîm
Li ber zinar û ber beroj
Camêrê welat dane ber gulleyan
Kete ser taqa piştê
Ji xwîna geş a Kurmanc
Li ser xwezaya jîngeha Şêrîn û Ferhad
Savayekî qelem di dest de
Bi nerînek dûr û girnijînek li ser lêvên cemedaniyê
Bi hizr û piş û mîrata Çariyê
Kelehek şîn bû (Kelehek peyda bû)
Baweriyekê rihên xwe kutan
Têgeha mejiyê wî, neyar tevizandin
Tilya wî, nîşana serbestiyê
Dest û mista wî, dawiya jêrdestiyê
Peyamek bî şîlan û swêsinan
Kîvroşka nav genim û bayê zanînê
Bejna wî bi qasî bilindahya çiyayan
Strana wî axîna Kurdistanê
Bi girnijîna cemedaniyeke xwar
Bi tekoşîna şoreş û berxwedanê
Ew bi ser gulên lawlaw (lale) de serket
Bi wê jî nesekinî
Bi berînahiya axeke pir jîn
Dîrokek dûr û dirêj û ne zelal li ser rûpelên dîrokê
Fikreke cemidî ya kevin
Li ser textê xwînê û bejna zirav a seqet
Dubare xebat û xebat û xebat komek pirtûk û canteyek tejî qelem
Bi şiyana rojê û tîrêjên wê yên geş
Cemed (qeşa) heland
Di tarîtiya şevê de û li koşka şîn a paşa
Bi riyeke herifî û hilweşyayî
Biryareke qirêj (bi şerm) a dîrokê dan
Ewên ku herdem tînê xwîna geş a şahsiwarên Kurd in
Ên ku carekê ji nişkîve maf dane mirovan
Li Rojavaya tevizî (cemidî)
Li welatê berjewendiyan
Xwîn jî bi pere tê şûştin
Heta gelê ku xemek giran hilgire
Heta di tengasiyê de be
Kelha baweriya wan naherife
Bi gijlokan bersiva barana rehmetê dan
Bi gulleyan li kevokê dan
Aştî sulava xwîna paqij bû
Heta çav dibîne êdî valahî nema
Astengî û zehmetî li çiya û bajar
Caddeya Jîna Bi dengek tejî gewriya bajar
Vê dirûşmê dibêje Qasimlo , Qasimlo
Riya te her berdewame Qasimlo
Selîm Heqîq
