شادی

کوردشۆپ - جەڵتەی مێشک یەکێکە لە هۆکارەکانی مردن لە جیهاندا، کە زۆرجار بەهۆی قەڵەوی و جگەرەکێشان و ڕێگری لە دووگیانییەوە دروست دەبێ. جەڵتەی مێشک یەکێکە لە نەخۆشییە باو و مەترسیدارەکانی ئەمڕۆ. سێیەم هۆکاری مردنە لە دوای شێرپەنجە و نەخۆشییەکانی دڵ.

جەڵتەی مێشک نەخۆشییەکە لە تەمەنی پیری و تەمەنی مامناوەنددا خۆی دەردەخات. هەرچەندە ئەم نەخۆشییە کوشندەیە، بەڵام بنەمایەکی هەیە کە دەتوانرێت ڕێگریی لێ بکرێت. جەڵتەی مێشک لە ئەنجامی کەمیی خوێن لە لایەکی مێشک یان لە ئەنجامی خوێنبەربوون لە لایەکی مێشک ڕوودەدات. لە ئەنجامدا دەبێتە هۆی ئیفلیج بوونی کەسەکە. جەڵتەی مێشک، نەخۆشییەکی دەمارەکانی مێشکە هەر بۆیە پێویستە لەسەر بڕیاری پزیشک پشکنینیان بۆ بکرێت.

هەرچەندە ئەمە نەخۆشییەکە کە دەکرێ پێشگیریی لێ بکرێ، بەڵام ئاستی دەستنیشانکردنی پێشوەختە زۆر گرنگە بۆ بارودۆخی نەخۆشییەکە.

نیشانەکانی جەڵتەی مێشک چین؟

- سڕبوون یان لاوازی کە لەناکاو لە دەم و قۆڵ و ئەژنۆ و ناوەڕاستی جەستەدا دێتە ئاراوە.

- هەستی ناخۆش

- دژواربوونی بیستن یان دژواربوونی قسەکردن

- کزبوونی سۆما لە چاوێک یان هەردوو چاودا، کەمبوونەوەی مەودای دیتن یان دوور دیتن.

- لەدەستدانی هاوسەنگی بەبێ ئەوەی هۆکارەکەی دیار بێ

گرنگترین هۆکارەکان کە دەبنە هۆی ڕوودانی جەڵتەی مێشک:

- جگەرەکێشان.

- کەمتر جووڵە و وەرزش کردن.

- قەڵەوی.

- بەکارهێنانی حەبی کۆنتڕۆڵی دووگیانبوون.

-  مانەوە لە یەک شوێن و دانیشتن بۆ زیاتر لە چوار کاتژمێر.

- بەدخۆراکی و زیادەڕۆیی لە خواردن

- بوونی کێشەی جووڵە واتە جووڵە لە ماسولکەکاندا