Kurdshop - Werzişvana Kurd a ji bajarê Dêrsim a Bakurê Kurdistanê piştî hemû rikberên xwe tekbirin bû şampiyonê Kick Boksê yê cîhanê.

Werzişvana Yaneya Werzişa Kick Boks a Dêrsimê Êrîvan Barut, hem li Tirkiyê û hem jî bi giştî derveyî welat gelek serkeftinên mezin bidest xistine û naha jî di pêşbirka li Macarîstanê ango Hengaryayê birêve çû de nasnava şampiyonê Kick Boksê yê Cîhanê bidest xist.

Êrîvan Barut, di pêşbirka şampiyoniya Kick Boksê ya Cîhanê ya li Macarîstanê di navbera rojên 15-18ê Hezîranê birêve çû de, îro 18.06.2023yê piştî hevrikê xwe yê Kazaxistanî piştî têkbir, derkete asta finalê ango qonaxa dawiyê û di fînalê de jî li hember hevrikê xwe yê Polonyayî bi serket û wek şampiyonê Kick Boksê yê Cîhanê bû xwedî kupa (kase)

Êrîvan Barut, keçeke 22 salî ya xelkê bajarê Dêrsîm a Bakurê Kurdistanê ye û bixwe jî bi zarawayê Zazakî diaxive. Lê berî naha dema beşdarî bernameyekî televîzyonê bibû û xwestibû bi zimanê xwe yê dayîkê biaxive, ji ber hin peyvên tirkî di nav axaftina wê de hebûn rastî hin rexneyan hatibû û wê jî li ser vê mijarê ragehandibû: ‘’Ev rewşa min trajediya gelekî ye. Ji naha û pê de yek ji karên min ê herî serekî û giring jî dê baş fêrbûna zimanê xwe yê dayîkê be, bila herkesek jî vê wisa bizane. Ez ciwanekî werzişvan ê ji Dêrsimê me, lê ji ber ez wek nûnera Dêrsimê li Cîhanê têm dîtin ew nayê wê wateyê ku ezê karê herî serekî û giring bicîh neynim. Û ez dê teqez wî karê serekî (Bi rast û dirustî axaftina zimanê dayîkê) bicîh bigehînim. Lê ev pirsgirêkekî civakî ye û ez dixwazim hemû kesekî jî li ser vê pirsgirêkê bidim fikirandin.