Kurdshop – Li Stenbolê pêşbirka WAKO ya Kupaya Cîhanî a 8emîn de 5 werzişvanên Dêrsîmê serkeftinekî giring bidest xistin. Ji Dêrsîmê 6 werzişvan beşdarî pêşbirkan bibûn.
Kupaya Cîhanî ya 8emîn Turkish Open WAKO, ya rojên 17 - 21ê Gulanê li Navenda Kongre û Fuar a TUYAP li Stenbolê pêkhat û ji 56 welatan 4 hezar werzişvan beşdarî pêşbirkê bûn û werzişvanên Dêrsîmê yên Kuluba Kick Boks a Werziş a Dêrsîmê jî beşdar bûn û Êrîvan Barut di pêşbirkan de bû yekem, werzişvanên bi navê Jîdal Batmaz û Îrem Denîz Yunavç jî bûn duyem û Bîlge Gozler û Ozhan Yikilmaz jî di pêşbirkan de bûn sêyem û serkeftinekî giring bi navê bajarê Dêrsîm a Bakurê Kurdistanê bidest anîn.
Rahênerê werzişvanên Dêrsîmê Gursel Tayam jî ragehand kulûba wan her rojê serkeftinên giringtir bi dest dixe û diyar kir: ‘’Herî dawiyê werzişvan a me Êrîvan Barut bû yekem û hem kupa bidest anî, hem jî madalya zêrîn bidest xist. Herwaha werzişvanên me Jîdal Batmaz û Îrem Denîz Yuvanç jî madalya zîv bidest xistin. Herwaha Bîlge Gozler û Ozhan Yikilmaz jî madalya bronz a sêyemîntî bidest xistin. Berî her tiştî ji ber piştevaniya Şaredariya Dêrsîmê û Rêveberiya Parêzgahê ya Werziş û Ciwanan em spasiya xwe dikin.’’
Herwaha got: Werzişvanên me bi giştî 5 madalya û kupayek bidest xistin û herkese ku piştgiriya me kiriye em careke din spasî li hemû aliyan dikin.
