Şadî

Kurdshop - Li Colemêrg a Bakurê Kurdistanê îsal di çarçoveya projeya ‘’Pêşeroja bi tendurist, bi werzişê pêkan e’’ de 5 hezar û 700 şagirtan re perwerde û rahênana kaşûn an jî kaşvaniyê hate dayîn.

Şagirtên ku li navenda Colemêrg û navçeyên Gever, Şemzînan, Çelê û Rûbarokê hatin rahênan kirin, bi demên diyar û bi awayê gruban ji Navenda Kaşvaniya Mêrga Bûtan re hatin veguhestin û hatin rahênan kirin.

Ji rahênerên binkeya Navenda Perwerdeya Gel piştî rahênan hatin pêkanîn, ji wan şagirtan kesên ku xwedî şiyan hatin helbijartin û beşdarî tîma kaşvaniyê hatin kirin. Herwaha gelek şagirtên li gel rahêneran beşdarî temrin û rahênanê bûn, piştî beşdarî pêşbirkan bûn di şampiyonayan de madalya jî bidest xistin.

Rêveberê Perwerdeya Mîlî ya Parêzgeha Colemêrgê Bîlal Gur vê derbarê de ji çapemeniyê re ragehand, xebatên derbarê rahênana kaşvaniyê de yek ji lingên projeya me ye. Ev proje ji bo werzişa herêmê, çand û kalîte ango çawaniya perwerdeyê dê gelek sûdên wê hebin. Her roj em nêzîkî 100 şagirtan bi minibûsan li malên wan werdigrin û li gel rahênerên wan dibin navenda kaşûnê.

Gur ragehand: Zarokên me yên diçin wê navenda me ya kaşûnê bi amûrên wê navendê ve destpê dikin. Gelek ji wan zarokan dibe ku di jiyana xwe de qet kaşvanî nekiribin û bi keda rahênerên me fêr dibin. Piştî destpê kirina projeyê min bixwe jî serdana navenda kaşvaniyê kir û di çavên zarokên me de ew ronahî, xwastek, heskirin û keyfxweşiya heyî ez bextewer kirim. Îsal heta naha 5 hezar û 700 şagirtan re rahênana kaşvaniyê hate dayîn, lê bi giştî jî heta naha me 67 hezar şagirtan re perwerde û rahênana kaşûnê daye. Ez spasiya wan hemû kesan dikim ku di meşandina vê projeyê de xwedî ked in.

Herwaha Yek ji Rêveberên Perwerdeya Mîlî ya Parêzgehê û Koordînatorê Projeyê Erol Hanligîl jî ragehand, ev 5 sale rahênan berdewam dikin. Li dibistanan ew xwandekarên ku tên destnîşan kirin, bi destûra malbatên wan ve em tînin wan perwerde û rahênan dikin.

Herwaha diyar kir, îsal ji ber befir dereng ket, hejmara kesên ku hatin rahênan kirin kêmtir bû û got: Ev proje dikare ji bo saziyên din jî bibe nimûne. Li Rêveberiya Perwerdeyê bi derfetên xwe odeya kaşvaniyê hatiye ava kirin û nêzîkî 100 taxim û amûrên kaşvaniyê ve ji xizmeta şagirtan re hatiye pêşkeş kirin. Em bi derfetên parêzgeriyê û Rêveberiya Taybet a Parêzgehê ve pêwîstiyên gehandinê yên zarokan, xwarin û vexwarinê bicîhtînin. Mamostayên me perwerdeya profesyoneliyê didin zarokên me. Hemû hûrgiliyan ji bo wan rawe dikin. Herwaha rahênerên me wan zarokên ku xwedî şiyan in diyar dikin û wan beşdarî tîmên kaşvaniyê yên li li bajar dikin. Ew zarokane bi navê Colemêrgê û heta bi navê tîma mîlî jî beşdarî pêşbirkan dibin. Em bi vê projeyê ve keşfa şiyanan jî dikin. Li gelek navendên kaşvaniyê befir tine, lê em li vê derê hîn kaşûnê dikin. Ango mercên me dest didin.

Ji aliyê din ve yek ji mamoste û rahênerên Navenda Perwerdeya Gel Ozal Aydemîr jî diyar kir, zarokên ku temenê wan di navbera 10 heta 15 salî ji bo kaşvaniyê perwerde dikin û derbarê kaşûnê de hemû hûrgiliyan ji bo wan rawe dikin û ji nêzîk ve bi wan şagirtan re eleqedar dibin.