Kurdshop – Werzişvanê ciwan ê kurd li Gurcistanê bû şampiyonê Kîck Boksê û bi ala Kurdistan derket ser rîngê û bû şampiyon.
Li bajarê Tiflîs a paytexta Gurcistanê pêşbirk û turnuwaya navneteweyî ya Mix Fight, hat lidarxistin û tê de Werzîşvanê Kurd Davîdê Rezo Faroyan ku bi Ala Kurdistanê derket ser ringê, bû şampîyon.
Werzişvanê kurd Davidê Rezo ku 18 saliye û li Tîflîs a paytexta Gurcistanê ji dayîk bûye, bi Ala Kurdistan û Gurcistanê derkete ser rînga pêşbirkê û hem malbata wî, hem jî nûnerên diyaspora kurd jî ji bo piştevaniya wî li salona turnuwayê bûn.
Hat ragehandin zêdetirî 20 welatan werzîşvan beşdarî wê turnuwayê bûne û turnuwaya navnetewî ya Mix Fight ku hunerekî lêdanê ye û têkelbûna ji gelek teknîk û şêwazên lêkdanê pêktê û gelek pisporên werzişê jî jê re dibêjin lihevdana bêrêgez.
Davidê Rezo di kategoriya 55 kîloyî de beşdarî turnuwayê bû û derkete ser rîngê û li hember rikberê xwe serket û berî ku serkeftina wî bê ragehandin jî Ala Kurdistanê avête ser milê xwe û diyar kir, ew bi serkeftinên xwe ve milletê xwe bilind dike
Davîd Rezo ji zarokatiya xwe ve bi werzişê ve mijûl dibe û heta niha 6 cara şampîyonê Qefqasyayê, 9 caran jî bûye şampîyonê Gurcîstanê û sala 2018ê de di beşa nûciwanan de bû şampîyonê Ewrûpayê û sala 2019ê jî bû şampiyonê cîhanê.
Turnuwaya Navnetewî ya Mix Fight ev sêyem care li Tîflîs a paytexta Gurcistanê tê lidarxistin û werzişvanên Ermenîstan û Azerbeycanê jî vê carê beşdarî vê pêşbirkê bûn.
