Kurdshop – Tîma kaşvanî ya Gever a ser bi parêzgeha Colemêrg a Bakurê Kurdistanê, di pêşbirka kaşvaniyê de li ser asta Tirkiyê bû şampiyon û yekemtî bidest xist.
Tîma kaşvaniya Geverê di pêşbirka giştî ya li ser asta Tirkiyê hat birêvebirin de 33 madalî bidest xistin û wek tîm bûn şampiyon û yekemê Tirkiyê.
Li gor agahiyên Rêveberiya Ciwan û Werzişa Parêzgehê belav kirine, li navçeya Gerede ya parêzgeha Bolu ya Tirkiyê, di rojên 17 heta 19ê Adarê pêşbirkên birêveçûn de ji 19 parêzgehên Tirkiyê 187 werzişvanên kaşeyê beşdar bûne.
Hat ragehandin tîma kaşvaniya Geverê di wan pêşbirkan de li ser asta Tirkiyê 15 madaliyên zêr ango yên yekemtiyê, 7 madaliyên zîv ango yên duyemtiyê, 8 madaliyên bronz ango yên sêyemtiyê û 3 kaşvanan jî çaremtî bidest xistine û bi vî awayî wek tîma kaşvaniya Geverê li ser asta Tirkiyê bûne şampiyon û yekemtî bidest xistine.
