Kurdshop – Pirtûka bi navê “Zazakî û Kurmancî ji aliyê felsefeya zimanî ve” ya Îbrahîm Bingol ji Weşanên Avestayê derket.
Pirtûka Îbrahîm Bingol a “Zazakî û Kurmancî ji aliyê felsefeya zimanî ve” ji Weşanên Avestayê derket. Pirtûk ji 104 rûpelan pêktê.
Pirtûka Zazakî û Kurmancî ji aliyê felsefeya zimanî ve ji 104 rûpelan pêk tê û nivîskar Îbrahîm Bingol derbarê metirsiyên linavçûnê yên li ser Zazakî û behsa nîgeraniyên xwe dike.
Derbarê armanca xwe û fikar û ew metirsiyên jinavçûnê yên li ser Zazakî hene, Îbrahim Bingol waha pênase dike:
“Hezar caran heyf e ku zazakî îro li ber mirinê ye, bi gotineke din zazakî nêzdêrû de ye. Eger mûcîzeyek çênebe, ji vir şûn de rizgarkirina zazakî gelekî dijwar e. Em vê rastiyê dizanin ku xelaskirina zimanekî tenê bi xîret û çalakiyên rewşenbîr, zanyar û vekoleran nabe. Gelek faktorên din yên derveyî zimanî jî hewce ne. Xuya ye ku zaza xwedî van faktoran nînin û di paşerojê de jî di asoyê de xwedîbûna van faktoran xuya nake. Dîsa jî çi ji destê me bê, divê em bikin ku ev xebat berhema vê saîqê ye. Min xwest di vê xebatê de kurmancî û zazakî di çarçoveya cîhanbîniyê de, di çarçoveya felsefeya zimanî de bidim ber hev û nîşan bidim bê ka ji aliyê mentiqa zimanî ve çi ferq û wekheviyên her du zaravayan hene.”
