#	ناو	مانا
481	تۆڵە	هەق سەندنەوە، مافوەرگرتنەوە.
482	تیرگەران	گوندێکە لە باکووری شاری سنە.
483	تیرمە	ناوچەیەکی کوردنشین بووە لە ناوچەی کووت کە مەسیحیشی تێدا ژیاوە و (ابن روستەم) لە کۆپەڕی (الاغلاق النفسیە) دا لە باسی شاری کووت بەر لە ئیسلام باسی کردووە و کوردی فەیلی تێدا ژیاوە.
484	تیرڤان	تیروان، تیرهاوێژ.
485	تیرکان	1. شەڕاشۆ، ئامادە بۆ شەڕ؛ 2. هۆزێکی کوردن لە باکووری کوردستان.
486	تیرێژ	تیرۆژ. بڕوانە تیرۆژ.
487	تیرەوان	بە کەسێک دەگوترێ کە لە تیرهاویشتندا شارەزا بێ.
488	تیشکۆ	بریقەدار، ورشەدار.
489	تیگریس	1. تیگر لە ریشەی وشەی تیر یان تیژ وەرگیراوە کە ئەوێسایی یەکەشی دەبێتە: تیرا بە واتای توند و بەلەز؛ 2. تیگر نێوی کۆنی چۆمی (دیجلە) یە. بڕوانە دیجلە.
490	تیلەبڕ	1. مسۆگەرکردنی کارێک بە گۆشەی چاو؛ 2. جۆرێک بڕین و بڕشتە لە کاری درووماندا.