#	ناو	مانا
1071	هاوار	1. داد و فریاد، بانگ و هاوار؛ 2. بانگڕاهێشتن بۆ ئاریکاریی و رەهابوون لە تەنگانە؛ 3. ئاخ و داخ؛ 4. هانا بۆ کەسێ بردن؛ 5. نێوە بۆ دوو گۆڤاری کوردی، کە یەکەمیان (جەلادەت عالی بەدرخان) لە ساڵی 1932 ی زایینیدا دەریخست، کە بە تێکڕایی 57 ژمارەی لێ دەرچوو، دووهەمیان حافز مستەفا قازیی، ساڵی1971 ی زایینی لە بەغدا دەریخست، بەڵام دوای سێ ژمارە داخرا؛ 6. نێوی گوندێکە لە کوردستانی باشوور، لە داوێنی چیای شنروێ کە کاکەیین.
1072	هاوبیر	هاوهزر، هاوڕا، لە بیروڕادا وەکوو یەک.
1073	هاوبەش	هاوکار و شەریک لە کار و کاسپی یان موڵک و ماڵدا.
1074	هاوتا	1. وەکوو، وێنەی؛ 2. هاولف، هاوبەش.
1075	هاوژین	1. دووکەس کە پێکەوە بژین و گوزەران بکەن؛ 2. خافڵاندن و خاپاندن: ئەو مناڵە بهاوژینە.
1076	هاوناس	ئاشنای یەکدی، دۆستی یەکتر.
1077	هاونیاز	دوو کەس کە خواست و مەبەستیان یەکێ بێ.
1078	هاوڕێ	1. هاواڵ، هەڤاڵ، دۆست؛ 2. هاوبیروباوەڕ.
1079	هاوێر	1. دەورە، هەرچووارلا؛ 2. هەڵاواردن، لێکجیاکردنەوەی ماک و زا، لێکجیاکردنەوەی بەرخ و کارژەلە لە دایکیان بۆ ئەوەی نەیمژن.
1080	هاڤل	1. ئاکام؛ 2. ئەنجام؛ 3. بەر و بۆ؛ 4. نەترسان لەکار و ملپێوەنان؛ 5. کۆشش و تە‌قەلا؛ 6. هاریکاریی و یارمەتی.